Ǵalymdar kók shaı kóptegen aýrýdyń qaýpin tómendetetinin birneshe ret dáleldegen.
Eger adam kók shaı ishýdi ádetke aınaldyrsa, ne bolady? Eat This, Not That jýrnaly kúnine eki ret kók shaı ishken adamdarmen sóılesip, bir aptadan keıingi áserlerin anyqtaǵan.
Kúsh-qýat artady
Kardıolog Lı Markýs kóp jumys isteıdi jáne ár kún streske toly. Buryn tústen keıin onyń kúsh-qýaty kenet tómendep, tipti pasıentterdi emdeýge de áser etetin.
Markýs zeıinin qalpyna keltirý maqsatynda kók shaı ishe bastaǵan.
"Úsh kúnnen keıin men kúrdeli júrek kateterızasıasy kezinde zeıinimniń jaqsarǵanyn baıqadym", – deıdi dáriger.
Tústen keıingi bir shyny kók shaıdan keıin ol saǵat 16:00–18:00 aralyǵynda kúsh paıda bolatynyn sezindi, al odan keıin de sharshaǵany basylǵan.
Psıhoterapevt Erınn Everhart ta kók shaı ishýdiń jumysta kómekteskenin baıqaǵan.
"Ádette men kofe ishemin, biraq kók shaı mıǵa qajetti energıany beredi jáne kúnniń ekinshi jartysynda sharshamaımyn", – deıdi Erın.
Uıqy sapasy jaqsarady
Doktor Markýs kók shaıdyń arqasynda túnde jaqsy uıyqtaı bastady.
Bul dárigerdi tańǵaldyrdy, sebebi shaıda kofeın bar. Degenmen, bul ádet oǵan tez uıyqtap, sergek oıanyp, tipti aýyr jumys kestesinde de demalýǵa múmkindik berdi.
As qorytý turaqtanady
Shaıdaǵy antıoksıdanttar as qorytýǵa kómektesedi. Bul mental densaýlyqqa da áser etedi.
Ol naýqastaryna ishekke kóńil bólýge jáne tamaqtaný ádetterin qaıta qaraýǵa keńes beretin.
Qabyný deńgeıi tómendeıdi
Kók shaıdaǵy antıoksıdanttar qabynýdy azaıtýǵa kómektesedi. Bul áserdi birden sezbeýińiz múmkin, biraq taldaýlarda kórinedi.
"Alty aıdan keıin kók shaıdy turaqty ishýimniń arqasynda zerthanalyq taldaýymda S-reaktıvti aqýyz deńgeıi 15%-ǵa tómendedi", – deıdi Markýs.
Kardıolog retinde ol biledi: S-reaktıvti aqýyz qabynýdy jáne júrek-qan tamyrlary aýrýlarynyń qaýpin kórsetedi.
Emosıalar tynyshtalady
Kók shaı tynyshtalýǵa kómektesedi. Everhart bul sýsynnyń emosıalyq stress jaǵdaıynda kómekteskenin moıyndaıdy.
Dáriger Markýs ta shaıdyń stress deńgeıin tómendetkenin atap ótti. Onyń jumysy jaýapkershiligi úlken bolsa da, sýsyn kúrdeli operasıa kezinde stresti azaıtýǵa kómektesti.