Kúni boıy sergek júrý úshin ne isteý kerek? Nevrolog Ksenıa Ovsánnıkova keńes berdi, - dep habarlaıdy aqshamnews.kz tilshisi "Doktor Pıterge" silteme jasap.
Tań saıyn bir ýaqytta turý
Eń qolaıly aralyq - 6:00-7:00. Bul kezde sergektikke jaýap beretin kortızol deńgeıi joǵary bolady. Eger tańǵy 8-den keıin tursańyz, kúni boıy boıkúıez bolyp júrýińiz múmkin.
Oıanǵan boıda jyly sý ishý
Kofe keıin ishesiz! Áýeli bir staqan, tipti jarty lıtrge deıin jyly sý ishińiz. Lımon men zimbir de qosýǵa bolady. Mundaı sý óttiń aǵýyn, asqazan-ishek jolynyń lımfa júıesin iske qosady. Sondaı-aq, stress nemese tyǵyz jumys yrǵaǵynan týyndaýy múmkin spazmdardy bosatýǵa kómektesedi.
Dýsh qabyldaý
Sý búkil dene boıynsha lımfa aǵysyn jedeldetip, mıkrosırkýlásıany jaqsartady jáne tamyrlardy dáriden de jaqsy "jattyqtyrady".
Kýznesov applıkatorynda turý
Tisti tazalap turǵan birneshe mınýt jetkilikti. Áýeli shulyqpen, keıin jalańaıaq turýǵa bolady.
Tańǵy as ishý
Tańǵy as - rasıonnyń eń mańyzdy bóligi. Kúni boıy qýat beretin taǵamdardy tańdańyz. Jedel daıyndalatyn "bes mınýttyq" botqalar jaramaıdy: olar qandaǵy qantty kúrt kóterip, artynan tez túsiredi de, qarnyńyz qaıta ashady.
Ádet qalyptastyrý
Mysaly, súıikti mýzykańyzdy qosyńyz, tereze aldynda birneshe mınýt turyńyz jáne t.b. Osyndaı jaǵymdy usaq‑túıekter tańǵy ýaqytty jaǵymdy etedi.