Parıj prokýratýrasy Lývrdegi tonaýǵa qatysty pikir bildirdi, - dep habarlaıdy aqshamnews.kz tilshisi Le Figaro-ǵa silteme jasap.
Prokýror Lora Bekkonyń aıtýynsha, qylmys tapsyryspen jasalǵan bolýy múmkin nemese aqsha jylystatý maqsatynda uıymdastyrylǵan.
Sondaı-aq, sheteldikter tonaǵan bolýy múmkin degen nusqa aıtyldy. Buǵan deıin Fransıa İİM mundaı málimdeme aıtqan edi.
Lývrdegi oqıǵa 19 qazan tańerteń bolǵan. "Erekshe jaǵdaılarǵa" baılanysty mýzeı bir kúnge jabylyp, kelýshiler evakýasıalandy.
Parıj prokýratýrasynyń deregi boıynsha, myna zattar urlanǵan:
- Marı-Lýıza patshaıymnyń jınaǵynan alqa men syrǵalar;
- Marıa-Amalıa patshaıymnyń (1830–1848) jáne golandıalyq Gortenzıa de Bogarne patshaıymnyń jınaǵynan úsh áshekeı (alqa, syrǵa jáne tıara);
- Evgenıa patshaıymnyń jınaǵynan tórt buıym: eki brosh, lıfke taǵylatyn bant jáne tıara.
TF1 málimetinshe, mýzeıdi birneshe adam skýterlermen kelip tonaǵan. Olar mýzeıdiń bir qasbetine kóterilý úshin avtokótergishtiń baspaldaǵyn paıdalanǵan. Odan keıin terezelerdi syndyryp, Apolon galereıasyndaǵy bólmege kirip, birqatar zergerlik buıymdy alyp ketken.
Oqıǵaǵa Fransıa prezıdenti Emmanúel Makron da pikirbildirip, X jelisinde jazba jarıalady:
"Lývrdi tonaý - biz qasterleıtin tarıhı muraǵa qastandyq. Biz zergerlik buıymdardy tabamyz, al qylmyskerler sot aldynda jaýap beredi", - dep jazdy ol.