Sýǵa shomylyp, jaǵajaıda kúnge qyzdyrynǵan jaqsy, árıne. Biraq aýrý taýyp almańyz. Kúnge kóp qyzdyryný terige áser etip, tipti qaterli isik týdyrýy múmkin. Jazda kúnge qyzdyrynsańyz, qysta aýyrmaısyz, aǵzańyz dárýmenge tolady degendi estip jatamyz.
Alaıda paıdasy kóp kúnniń de zıany bar. Mamandardyń aıtýynsha, kún kózinde shamadan tys qyzdyryný teri aýrýlaryna ákep soǵýy múmkin. Qaterli isikke deıin asqynyp ketýi de ǵajap emes, dep habarlaıdy Almaty-akshamy.kz 24.kz-ke silteme jasap.
Ánet Beıbit, Kópsalaly hırýrgıa ortalyǵynyń rekonstrýksıalyq jáne plasıkalyq hırýrgıa sektorynyń onkolog, hırýrg, dermatology:
Kún astynda uzaq ýaqyt júrý saldarynan bizde ártúrli teri aýrýlary paıda bolady. Eń qarapaıym túri – fotodermatıt kún sáýlesinen paıda bolatyn aýrý. Bul aýrý bizde kóbinde betke, moıynǵa jáne aıaq-qoldarǵa shyǵady. Bul aýrý arnaıy mamandardyń kómegimen emdeledi. Kún sáýlesiniń astynda kóp júrý, shamadan tys kóp júrý, deneni qyzdyrý osy teri obyryna da ákep soǵýy múmkin. Teri obyrynyń negizgi 3 túrine melanoma, karsınoma, bazalıoma jatady.
Kún kózi tek teri obyryn týdyryp qana qoımaıdy. Ol terini qurǵatady, erte qartaıýǵa ákeledi, nebir daqtar paıda bolýy múmkin.
Ánet Beıbit, Kópsalaly hırýrgıa ortalyǵynyń rekonstrýksıalyq jáne plasıkalyq hırýrgıa sektorynyń onkolog, hırýrg, dermatology:
Bizdiń ortalyqqa kóbine bazalıoma aýrýymen keletin naýqastar óte kóp. Bul aýrý kún sáýlesi astynda uzaq jyldar boıy júrgende paıda bolady. Eń mańyzdy ereje – saǵat 11 men 3-tiń arasynda, kún eń belsendi bolǵan ýaqytta sportpen aınalyspaý, aýyr fızıkalyq jumys jasamaý. Sondaı-aq ózen-kólderge shomylýǵa bolmaıdy.
Mamandardyń aıtýynsha, zıany kóp eken dep kún kórmeı ketpeý qajet. Munymen qatar paıdasy da bar. Tek shamadan tys kúnge qyzdyrynýǵa bolmaıdy.
Nazgúl Jantemirova, İİ sanatty onkolog-hırýrg: - Últrakúlgin sáýleniń áserinen teridegi zat almasý, qan aınalymy jaqsarady. Mıneraldy zattardyń almasýyn qalyptastyratyn «D» dárýmeni kóbeıip, synǵysh súıektiń jetilýine, qajetti dárýmendi sińirýge sebep bolady. Biraq belgili bir ýaqytta kún kózi ótkir emes ýaqytta júrgen durys.
Qazir kúnnen qorǵaıtyn jaqpa maılardyń túr-túri shyqqan. Biriniń paıdasy kóp degenmen, biriniń zıany bolýy múmkin.
Nazgúl Jantemirova, İİ sanatty onkolog-hırýrg:
Kúnnen qorǵaıtyn jaqpa maılardyń paıdasy bar. Qorǵaý koefısıenti 50 jaqpa maıdy teriniń qalqany dese de bolady. Biraq onyń quramyn tolyq tekserip, terińizge sáıkes keletin túrin qoldanǵan jón. Sonda keri áser týdyrmaıdy.
Aqquba óńdi adamdarda kúıikten saqtaıtyn tabıǵı qorǵanys az. Olar úshin kúnniń qaterli isikke ákep soǵý múmkindigi terisi qaratory adamdarǵa qaraǵanda áldeqaıda joǵary. Sondaı-aq denesinde meń, pıgmenttik daqtar kóp adamdarda teri qaterli isigine shaldyǵý qaýpi bar.