Florıdadaǵy Riverchase Dermatology emhanasynyń dermatology kún saıyn dýshqa túsýdiń zıandy ekenin málimdedi
Lúsı Chenniń (Lucy Chen) aıtýynsha, teriniń tazalyǵyn saqtaý úshin aptasyna eki ne úsh ret dýsh qabyldaý jetkilikti. Eger de adam kúnde dýshqa tússe, odan teriniń syrtqy qabyǵy keýip, epıdermıs qorǵanys qabaty joıylýy múmkin, dep habarlaıdy Almaty-akshamy.kz
Saldarynan teride jaryqshalar paıda bolyp, sol arqyly aǵzaǵa zıandy bakterıalar ene alatyn bolady.
«Odan bólek, qurǵaqtyq ekzemaǵa nemese basqa da qabynýlarǵa aparýy, teri qyzaryp, qyshyma men akne shyǵýy múmkin. Odan bólek, jıi dýshqa túsý shashqa keri áser etedi. Ýaqyt óte kele, shashtyń túbi shamadan tys maıly nemese, kerisinshe, óte qurǵaq bolady», - dedi dermatolog.
Chen joǵarydaǵy keńesterge qaramastan, keı adamdardyń kúnde dýsh qabyldaýy durys bolatynyn aıtty. Turaqty túrde sportpen, fızıkalyq eńbekpen aınalysatyn adamdar teriniń ólip qalǵan jasýshalaryn, kir men terdi ketirý úshin kúndelikti dýsh qabyldaǵany abzal.