Sınoptıkter 26 qarashada elimizdiń 10 óńirinde daýyldy eskertý jarıalady, dep habarlaıdy aqshamnews.kz.
Túnde jáne tańerteń Túrkistan oblysynyń batysynda, ońtústiginde, taýly jáne taý bókterli aýdandarynda tuman túsedi dep kútiledi. Ońtústik-shyǵystan soqqan jeldiń taý asýlarynda ekpini 15-20 m/s deıin jetedi. Shymkentte, sondaı-aq Túrkistan qalasynda da túnde jáne tańerteń tuman bolady dep boljanady.
Túnde jáne tańerteń Abaı oblysynyń soltústiginde tuman túsedi. Oblystyń ońtústiginde soltústik-shyǵystan, shyǵystan soqqan jeldiń ekpini 15-18 m/s quraıdy.
Túnde jáne tańerteń Qostanaı oblysynyń ońtústiginde, shyǵysynda tuman túsedi dep kútiledi.
Jetisý oblysynyń Alakól kólderi aýdanynda ońtústik-shyǵystan soqqan jeldiń ekpini 15-20 m/s, keı tusta 23-28 m/s, tipti keı ýaqyttarda 30 m/s-ǵa deıin jetip, odan da asady.
Túnde jáne tańerteń Batys Qazaqstan oblysynyń batysynda, soltústiginde tuman bolady dep kútiledi. Oralda túnde jáne tańerteń tuman bolady.
Túnde Qaraǵandy oblysynyń ońtústik-shyǵysynda soltústik-shyǵystan, shyǵystan jel soǵady, ekpini — 18 m/s.
Túnde jáne tańerteń Ulytaý oblysynyń soltústiginde tuman túsedi dep kútiledi. Soltústik-shyǵystan, shyǵystan jel soǵady, túnde oblystyń soltústiginde soqqan jeldiń ekpini 18 m/s quraıdy.
Túnde Mańǵystaý oblysynyń batysynda, ortalyǵynda kóktaıǵaq bolady dep kútiledi. Túnde jáne tańerteń oblystyń soltústik-shyǵysynda tuman túsedi.
Soltústik Qazaqstan oblysynyń batysynda, soltústiginde tuman túsedi dep kútiledi. Petropavlda da túnde jáne tańerteń tuman bolady.
Almaty oblysynyń shyǵysynda shyǵystan jel soǵady, ekpini — 18 m/s.