Sınoptıkter 24, 25 jáne 26 jeltoqsanda Qazaqstanda aýa raıy qandaı bolatynyn boljap aıtty, dep habarlaıdy aqshamnews.kz.
Aýa raıy boljamyna sáıkes, 24 jeltoqsanda respýblıkanyń basym bóliginde, 25-26 jeltoqsanda batysta, soltústik-batysta jáne shyǵysta atmosferalyq fronttar jáne sıklonnyń áserinen qar jaýady, al respýblıkanyń ońtústik-batysynda jaýyn-shashyn (jańbyr, qar) kútiledi. Tek ońtústikte antısıklon yqpalymen negizinen jaýyn-shashynsyz aýa raıy boljanǵan. El boıynsha burqasyn, tuman, ekpindi jel, batys aımaqtarda kóktaıǵaq kútiledi.
Túnde aýa temperatýrasy tek ortalyq jáne shyǵys óńirlerde -20-35 gradýs aıazǵa deıin tómendeıdi, al qalǵan aýmaqtarda temperatýralyq fon aıtarlyqtaı ózgermeıdi, – delingen habarlamada.