Abaı atyndaǵy Qazaq ulttyq opera jáne balet teatrynda Qurmanǵazy Saǵyrbaıulynyń 205 jyldyǵyna oraı «Kúmbirlegen kúı atasy – Qurmanǵazy» atty konserti uıymdastyryldy.
Konsertte opera jáne balet teatrynyń jetekshi ártisteri men Nurǵısa Tilendıev atyndaǵy Memlekettik akademıalyq fólklorlyq-etnografıalyq «Otyrar sazy» orkestri qatysty.
«Kúı ultymyzdyń úni men sózi bolǵan, halqymyz dúnıege ákelgen kórkem qundylyqtardyń shyńy. Al, Qurmanǵazy - ulttyq mádenıet pen mýzykany álemdik deńgeıge shyǵarǵan óner ıesi. Halqymyz úshin kúı men Qurmanǵazy esimi bir-birimen astasyp ketken uǵym. Ol ultymyzǵa, elimizge ortaq, adamzat mádenıetiniń tarıhynda óshpes iz qaldyrǵan tulǵa. Keshte Qurmanǵazynyń rýhyn asqaqtatyp, tyńdaýshynyń jigerin oıatyp, serpildiretin tanymal kúıleri oryndalady. Ol kúıler – taǵdyrdyń talqysyna, ómirdiń qataldyǵyna mýzyka arqyly berilgen jaýap, janashyrlyǵynyń belgisi», – deıdi QR Eńbek sińirgen qaıratkeri Nurjan Baıbosynov.
Sonymen qatar, baǵdarlamada Ahmet jáne Ǵazıza Jubanovtardyń «Qurmanǵazy» operasynan arıa men dýetter shyrqalyp, Bazarbaı Jumanıazovtyń «Mahambet» operasynan arıa, Nurǵısa Tilendıev, Dına Nurpeıisova, Evgenıı Brýsılovskııdiń shyǵarmalary oryndalady. Sondaı-aq, keshte opera solıseri Talǵat Kúzembaev (QR Eńbek sińirgen ártisi, QR Memlekettik syılyǵynyń laýreaty), Balapan Jubaeva (QR Eńbek sińirgen ártisi), Ilás Artaǵalıev, Esengeldi Rza, Aıdos Jabaǵın, Tólegen Rahymbaev óner kórsetti.
