Portýgalıa quramasy men "Ál-Nasr" klýbynyń shabýylshysy Krıshtıaný Ronaldý Eýropa fýtbolyna qaıta oralmaıtynyn aıtty, dep habarlaıdy Almaty-akshamy.kz.
Ataqty aıaq dop sheberiniń aıtýynsha, "esikter jabylǵan".
"Men eýropalyq fýtbolǵa qaıta kelmeımin. Esikter jabyldy. Qazir 38 jastamyn, onyń ústine eýropalyq fýtbol deńgeıi qatty quldyrap ketti. Eń jaqsy lıga Anglıada, ol basqalarynan áldeqaıda ozyq tur", - dedi Ronaldý.
Krıshtıaný Ronaldý "Altyn dopty" bes ret ıelengen. Ol óziniń sporttyq mansabynda portýgalıalyq "Sportıng", aǵylshyndyq "Manchester Iýnaıted", ıspandyq "Real" men ıtalıandyq "Iýventýs" sapynda óner kórsetti. Chempıondar lıgasynda bes ret top jaryp, úsh ret Anglıanyń, eki ret Ispanıa men Italıanyń chempıony atandy.
Ol Portýgalıa quramasy sapynda 2016 jylǵy Eýropa chempıonatyn, 2018 jylǵy Ulttar lıgasyn jeńip alǵan.