Elimizde nesıelik ahýal ındeksi nasharlady
2022 jyl bastalysymen elimizdiń kredıttik ahýal ındeksi 3,9 satyǵa tómen túsip, 62,1% boldy. Bul kórsetkish - nesıeni óteý yqtımaldyǵy joǵary qaryz alýshylardyń úlesi. Al qaryz alýshylardyń 18,2%-y qazirden defoltqa ushyraǵan. Bul týraly Birinshi kredıttik búro mekemesiniń bas dırektory Rýslan Omarov aıtty, dep habarlaıdy Almaty-akshamy.kz baq.kz silteme jasap.
Onyń aıtýynsha, defoltqa ushyraǵandar - qaryzyn óteýdi 90 kúnge shegergender. Sondaı-aq kredıt alǵandardyń 19,7%-nyń da jaǵdaıy máz emes, olar anyqtalmaǵan aımaqta. Azamattardyń bul sanaty ártúrli ózgeristerge sezimtal, bul olardyń nesıelik tártibine áser etýi múmkin.
2021 jyly qarjylyq saýattylyq ındeksi 0,6 satyǵa ósip, 5,13%-ǵa jetken. El azamattary ózderiniń kredıttik tarıhyna kóp mán beretin bolǵan. Sarapshylardyń aıtýynsha, qajetsiz nesıelerden qutylý úshin, onyń aldyn alý sharalaryna júginetin qazaqstandyqtar kóbeıgen, – deıdi Omarov.
Kredıttik alaıaqtarmen kúresý úshin Májilis depýtattarynyń bastamasymen 2022 jyly Birinshi kredıttik búro QR Qarjy naryǵyn retteý jáne damytý agenttiginiń qoldaýymen «Stop-kredıt» servısin iske qosqan. Bul qyzmet jeke tulǵalardyń nesıe tarıhyna qol jetkizýdi shekteýge múmkindik beredi.