5 kenshi izdestirilip jatyr.
Saǵat 15:00-degi málimet boıynsha, Qaraǵandydaǵy Kostenko atyndaǵy shahtada 42 adamnyń máıiti tabyldy, dep habarlaıdy Almaty-akshamy.kz
Avarıany joıý jónindegi respýblıkalyq jedel shtabtyń basshysy Tótenshe jaǵdaılar mınıstri, general-maıor Syrym Sháriphanov shahtaǵa túsip, órt jáne kenshilerdiń qaza bolǵan jerlerin tekserip shyqty.
Avarıany joıý jónindegi jedel shtab táýlik boıy izdestirý-qutqarý jumystaryn úılestirip, eń qaýipsiz jáne kenshiler bolýy múmkin yqtımal ýchaskeler boıynsha taý-ken qutqarýshylarynyń ótý joldary pysyqtalyp jatyr. İzdestirý jumystary shamamen bir-birinen 4 shaqyrym qashyqtyqta ornalasqan eki óndirý ýchaskesiniń aýdanynda júrgizilip jatyr.
Taý-ken qutqarýshylary qajetti jabdyqtarmen jáne baılanys quraldarymen qamtamasyz etilgen. Gaz jaǵdaıyn baqylaý jalǵasyp jatyr. İzdestirý-qutqarý jumystaryna barlyǵy "Kásibı áskerılendirilgen avarıalyq-qutqarý qyzmetteriniń respýblıkalyq ortalyq shtaby" JSHS Qaraǵandy fılıalynyń 55 taý-ken qutqarýshysy jáne 15 tehnıkasy jumyldyryldy.
"Shuǵyl medısınalyq kómekti qamtamasyz etý úshin 21 adam jáne 7 birlik jedel medısınalyq járdem tehnıkasy jumyldyryldy. Budan basqa, TJM jáne Qaraǵandy oblysynyń TJD-da respýblıkalyq jáne oblystyq jedel shtabtar jumys isteıdi", delingen Tótenshe jaǵdaılar mınıstrligi taratqan aqparatta.