Ońtústik Koreıada koronavırýs juqtyrǵan jáne aýrý jeńil ótip jatqan azamattarǵa úıde qalýǵa keńes berildi, dep habarlaıdy Almaty-akshamy.kz Habar24-ke silteme jasap.
Dárigerlerdiń kómegine tek aýrý asqynǵan kezde júginýge bolady. Jýyrda el bıligi osyndaı qaýly qabyldady. Bul aýrýhanalarǵa túsetin júktemeni azaıtý maqsatynda jasalǵan.
Sondyqtan budan bylaı emhanalarǵa tek 60-tan asqandar men qosalqy aýrýy bar adamdar ǵana jatqyzylady.
Qazir Ońtústik Koreıada "omıkron" shtamy órship tur. Ótken táýlikte elde 54 myńnan astam azamattan qaýipti ınfeksıa anyqtalǵan.