Elimizde koronavırýspen aýyrǵandarǵa bólingen tósek-oryn qoryn baqylaý endi onlaın rejımde júrgiziledi.
Orynmen qamtylýdy qadaǵalaý úshin oılastyrylǵan ınteraktıvti karta - óńirler boıynsha medısınalyq uıymdar deńgeıine deıin ahýaldy baǵalaýǵa jáne jedel den qoıý sharalaryn qabyldaýǵa múmkindik beredi, dep habarlaıdy Almaty-akshamy.kz Qazaqtv.com-ǵa silteme jasap.
Bul týraly Úkimet otyrysynda elimizdiń densaýldyq saqtaý mınıstri málim etti. Ajar Ǵınıattyń aıtýynsha, bul karta ákimdikterge, densaýlyq saqtaý basqarmalaryna qoljetimdi jáne kúndelikti sheshim qabyldaýǵa yńǵaıly. İndettiń eń kóp taralýy qazir elimizdiń 6 óńirinde baıqalady.
Bul - Aqtóbe, Batys-Qazaqstan, Qaraǵandy, Pavlodar, Aqmola jáne Qostanaı oblystary. Al Almatyda sońǵy bir aptada jaǵdaı jaqsarǵanyn aıta ketken jón. Jalpy, elimiz boıynsha ınfeksıalyq tósek-oryndar 30 prosenttke, reanımasıalyq oryndar 7 prosentke toltyrylǵan.
«Aýyrǵan adamdardyń 80% - egilmegen adamdar nemese 6 aı buryn egilgen adamdar ekenin eskersek, ýaqytyly KVI-ǵa qarsy revaksınasıamen qamtý qajet ekendigin kórsetedi. Búgingi kúni revaksınasıany 5 mln.astam adam aldy. Sonymen qatar bul jumys 3 óńirde durys deńeıde oryndalyp jatqan joq, ıaǵnı, kórsetkish 55%-dan tómen. Bul – Atyraý, Qaraǵandy, Batys Qazaqstan oblystary», - dedi QR densaýlyq saqtaý mınıstri Ajar Ǵınıat.