Almaty qalasynda buryn ataýy bolmaǵan kóshelerge ataý berý jumystary júıeli túrde júrgizilýde. Bul týraly Almaty qalasy ákiminiń orynbasary Azamat Qaldybekov habarlady.
Qalalyq toponımıkany jańartý jumystary tarıhı jadyny saqtaý, ulttyq biregeılikti nyǵaıtý jáne megapolıs turǵyndary úshin yńǵaıly mekenjaı júıesin qalyptastyrýǵa baǵyttalǵan. Jalpy qala boıynsha buryn ataýy bolmaǵan 156 bolǵan kóshege ataý berildi.
«Ár aýdanda turǵyndarǵa mekenjaı men tirkeý máselesinde qolaısyzdyq týdyratyn kóshelerdi anyqtap jatamyz. Biz olardyń tizimin jasap, tıisti organdarǵa usynamyz. Kóshelerge ataý berý kezinde negizinen qazaq toponımderi – jergilikti tabıǵı jáne geografıalyq erekshelikterdi beıneleıtin ataýlar, sondaı-aq kórnekti tarıhı tulǵalardyń esimderi paıdalanylady. Bizde Almaty qalasynan shyqqan jáne qalanyń damýyna úles qosqan azamattar qamtylǵan respýblıkalyq tizim bar. Osy usynystar jergilikti onomastıkalyq komısıada qaralyp, keıin máslıhat pen respýblıkalyq onomastıkalyq komısıanyń qaraýyna jiberiledi», - dedi Tilderdi damytý jáne onomastıka bóliminiń basshysy Baqyt Qalymbet.