Kelesi jyly Qazaqstan men Ózbekstan arasynda júretin avtobýstar sany 2 ese kóbeıedi. Bul týraly Ózbekstan prezıdenti Shavkat Mırzıeevtiń qatysýymen ótken óńirlerdegi óndiristi odan ári keńeıtý jáne qyzmet kórsetý salasyn damytý máselelerine arnalǵan beıne selektorly jıynda belgili boldy.
Jıynda Ózbekstannyń Kólik mınıstrligine kelesi jyly keminde taǵy 1200 avtobýs satyp alyp, marshrýttarǵa shyǵarý tapsyryldy. Sondaı-aq Qazaqstan, Qyrǵyzstan jáne Tájikstanǵa avtobýs qatynasynyń 2 ese kóbeıetini habarlandy.
Ózbekstannyń áýe qatynasy naryǵynda da báseke paıda boldy. Endi 6 jeke kompanıa jumys isteı bastaıdy. Jyl basynan beri 25 jańa ushaq jetkizilip, 17 baǵyt ashyldy.
Soǵan qaramastan saladaǵy qyzmet kórsetý kólemi bar bolǵany 7,7 paıyzǵa ǵana ósti. Kólik mınıstrliginiń aldyna kelesi jyly áýe tasymaly kólemin 20 paıyzǵa arttyrý mindeti qoıyldy. Osy maqsatta Tashkent qalasyn oblys ortalyqtarymen baılanystyratyn kún saıyn keminde eki reıs, oblys ortalyqtaryn baılanystyratyn aptasyna keminde bir reıs jasalady. Keminde 7 ushaq ákelinip, taǵy úsh halyqaralyq baǵyt ashylady.