Qazaqstan Respýblıkasynyń Memlekettik qyzmet isteri agenttigi jáne onyń aýmaqtyq bólimsheleri memlekettik qyzmetter kórsetý sapasyna memlekettik baqylaýdy júzege asyrý boıynsha úlken jumystar júrgizýde.
Memleket basshysy memlekettik qyzmetshilerdiń azamattarǵa qyzmet kórsetý sapasyn arttyrý, memlekettik organdar jumysynyń tıimdiligin arttyrý jáne klıentke baǵdarlaný qajettiligin birneshe ret aıtty.
Almaty qalasy boıynsha aýmaqtyq departamenti azamattar men zańdy tulǵalardyń memlekettik organdardyń nemese laýazymdy tulǵalardyń áreketterine (áreketsizdigine) jáne sheshimderine memlekettik kórsetiletin qyzmetter máseleleri boıynsha ótinishterin qaraıdy. Buzýshylyq faktileri rastalǵan jaǵdaıda, buzylǵan quqyqtardy qalpyna keltirý boıynsha jedel sharalar qabyldaıdy.
Sonymen qatar, departament júrgizetin aldyn alý sharalary buzýshylyqtardyń tómendeýine yqpal etedi. Máselen, 2022 jylmen salystyrǵanda 2023 jyly memlekettik qyzmetter salasynda anyqtalǵan buzýshylyqtar sany 2,5 esege azaıdy.
Sondaı-aq, biz qashyqtan qol jetkizý rejıminde memlekettik qyzmetterdi kórsetý boıynsha jumystardyń jaı-kúıin zerdeleý boıynsha jumystar júrgizemiz. Atap aıtqanda, 2023 jyldyń ekinshi jartyjyldyǵynan bastap ruqsat qujattaryn berýden bas tartýdy zerdeleý boıynsha olardyń negizdiligi turǵysynan jumystar belgili bir nátıjelerdi kórsetti: eki myńnan astam buzýshylyq anyqtaldy, nátıjeleri boıynsha buzýshylyqtardyń sebepteri men saldaryn zerdeleý boıynsha jumystar júrgizilýde jáne kináli adamdar jaýapqa tartylýda.
Máselen, Almaty qalasy Qalalyq josparlaý jáne ýrbanıstıka basqarmasynyń «Qurylys jáne jobalaryn ázirleý kezinde bastapqy materıaldardy usyný» memlekettik qyzmetin kórsetýden bas tartý sebebinen qyzmet alýshy azamat R. departamentke shaǵymmen júgindi.
Aıta ketý kerek, qujattar tizimi jáne osy qyzmetti kórsetý prosedýrasy óte jeńildetilgen.
Ony sátti kórsetýdiń sharttarynyń biri qalanyń komýnaldyq qyzmetteriniń («Almaty sý» AQ, «Almaty jylý jelileri»AQ jáne t.b.) qyzmet kórsetýge kelisimin alý bolyp tabylady.
Basqarma atalǵan «Almaty Sý» qyzmetiniń birinen teris jaýap alǵannan keıin kórsetiletin qyzmetti alýshynyń memlekettik qyzmet kórsetý týraly ótinishine memlekettik qyzmet kórsetýden bas tartty.
Biraq bul rette, memlekettik organ ótinish berýshiniń ınjenerlik jáne komýnaldyq qamtamasyz etý kózderine qosylý úshin basqa jeke komýnaldyq qyzmetpen shart jasasqany eskerilmedi, oǵan zańnamada tyıym salynbaıdy.
Osylaısha, memlekettik organ tarapynan buzýshylyq artyq qujatty talap etý jáne azamat R. tarapynan shaǵymnyń negizdi túsýine ákep soqtyrǵan. Bul - áýre-sarsań jasaý boldy.
QR Ulttyq ekonomıka mınıstriniń 2015 jylǵy 30 qarashadaǵy №750 buıryǵymen bekitilgen Memlekettik qyzmet kórsetý qaǵıdalarynyń 41-tarmaǵynyń 5)-tarmaqshasyna jáne memlekettik kórsetiletin qyzmet standartyna sáıkes, memlekettik qyzmet kórsetýden bas tartý úshin negizderdiń biri ınjenerlik jáne komýnaldyq qamtamasyz etý jónindegi kórsetiletin qyzmetterdi berýshiniń tehnıkalyq sharttardy berýden bas tartýy bolyp tabylady. Budan basqa, bas tartý kezinde basqarma kórsetiletin qyzmetti berýshiniń aldyn ala sheshimi týraly, memlekettik qyzmet kórsetýden bas tartý týraly, sondaı-aq tyńdaý ótkizý týraly habarlamany júzege asyrmady, osylaısha bul ótinish berýshiniń zańdy quqyqtarynyń buzylýyna ákep soqtyrdy.
Osylaısha, departament aralasqannan keıin ǵana ótinish berýshiniń quqyqtaryn qalpyna keltirý boıynsha sharalar qabyldanyp, bul turǵyn úı salý úshin qajetti sáýlet-josparlaý tapsyrmasyn berýde kórinis tapty.
Kezdesetin buzýshylyq faktilerin eskere otyryp, departament barlyq azamattardyń memlekettik qyzmetterdi alý kezinde olardyń quqyqtary buzylǵan jaǵdaıda olardy qalpyna keltirý úshin Memlekettik qyzmet isteri agenttigine jáne onyń aýmaqtyq bólimshelerine júginýge quqyly ekenin túsindiredi, óıtkeni bizdiń mısıamyz - Halyqqa qyzmet kórsetý sapasyn arttyrý jáne bizdiń qyzmetimizdiń tartymdylyǵyn qamtamasyz etý.