Koronavırýs ınfeksıasynyń taraýyna baılanysty Vedomstvoaralyq komısıanyń 2022 jylǵy 1 shildedegi sheshimine sáıkes, sanıtarıalyq-profılaktıkalyq jáne sanıtarıalyq-epıdemıaǵa qarsy is-sharalardy júrgizý maqsatynda Kóliktegi Bas memlekettik sanıtarlyq dárigerdiń bıylǵy 8 shildesinen bastap kúshine enetin «Kólik obektilerinde koronavırýs ınfeksıasy boıynsha sanıtarıalyq-profılaktıkalyq jáne sanıtarıalyq-epıdemıaǵa qarsy is-sharalardy júrgizý týraly» qaýlysy qabyldandy. Bul týraly Almaty-akshamy.kz habarlaıdy Inform.kz-ke silteme jasap.
Atalmysh qujatqa sáıkes turaqty jolaýshylar tasymalyn (áýe, sý, temir jol, metropolıten) júzege asyratyn uıymdar kólik quraldaryndaǵy aýa baptaý, jeldetý júıelerine tekserý júrgizýdi jáne jeldetkish súzgilerin aýystyrýdy;
mamandandyrylǵan kólik quraldaryn (perrondyq avtobýstardy) qospaǵanda, kólik quralyna jolaýshylardy oryndardyń sanynan aspaıtyn mólsherde otyrǵyzý;
kólik quralynyń salonyn jeldetý, dezınfeksıalaý quraldaryn qoldana otyryp, salondy ylǵaldy tazalaý jáne aýysym aıaqtalǵannan keıin qoǵamdyq kólikterge dezınfeksıa júrgizýdi qamtamasyz etý talap etiledi.
Halyqaralyq áýejaılardyń, temirjol vokzaldarynyń, teńiz jáne ózen porttarynyń basshylaryna aýa temperatýrasy men ylǵaldylyǵynyń ońtaıly jaǵdaıyn qamtamasyz etý úshin tazalaýdy, jýýdy, dezınfeksıalaýdy, jeldetý jáne aýany baptaý júıeleriniń súzgilerin aýystyrýdy qamtamasyz etý;
jolaýshylardyń oryndaryn jýý jáne dezınfeksıalaý quraldaryn paıdalana otyryp, jalpy tazalaý jumystaryn júrgizý;
barlyq bólmelerdi jıi jeldetý; kútý zaldarynda, ana men bala bólmelerinde, sanıtarıalyq toraptarǵa kire beriste qoldy tazartý quraldaryn ornatý;
qyzmetkerler arasynda COVID-19 kezinde jeke qorǵaný quraldaryn qoldaný algorıtmi, jeke/qoǵamdyq gıgıena erejelerin saqtaý, kvars shamdaryn paıdalaný kezinde qaýipsizdik sharalaryn saqtaý;
qyzmetkerlerdiń maskalar men antıseptıkterdi mindetti túrde qoldanýy; oqshaýlaý bólmesi bar medısınalyq nemese saýyqtyrý pýnktiniń turaqty jumysy;
keminde 60 mınýt saıyn jolaýshylardy radıohabar (daýys zoraıtqysh arqyly habarlaý) arqyly koronavırýs ınfeksıasynyń aldyn alý sharalary týraly habardar etý.
«Bul rette jolaýshylarǵa áýejaılardyń, vokzaldardyń, jolaýshylarǵa qyzmet kórsetý pýnktteriniń ǵımarattarynda, qoǵamdyq kólikte júrgende betperde kıý usynylady»,-delingen Kóliktegi sanıtarlıalyq-epıdemıologıalyq baqylaý departamentiniń baspasóz qyzmeti taratqan aqparatta.