Gamaleıa ortalyǵynyń basshysy Aleksandr Gınsbýrg koronavırýstan qorǵaný úshin jetkilikti antıdenelerdiń mólsherin atady.
Máskeý densaýlyq saqtaý basqarmasymen birlese júrgizilgen zertteý nátıjeleri týraly ol «Izvestıa» gazetine bergen suhbatynda aıtty, dep habarlaıdy Almaty-akshamy.kz Lenta.ru saıtyna silteme jasap.
Ǵalymnyń aıtýynsha, delta shtammynan tolyq qorǵaný úshin halyqaralyq birliktegi 300 antıdene qajet. Eger kórsetkish bul shamadan tómen bolsa, onda Sputnik Light arqyly vaksınasıalaý qajet. Osydan keıin antıdenelerdiń deńgeıi 350-400 birlik aımaǵynda bolsa, onda sizge «Sputnik V» ekinshi komponentin egýge bolady. Gınsbýrg 500 jáne odan joǵary antıdeneler kórsetkishi COVID-19 ınfeksıasynan qorǵaný úshin jetkilikti deıdi.
Mamannyń túsindirýinshe, halyqaralyq birlikter degen jaqynda Dúnıejúzilik densaýlyq saqtaý uıymy (DDSU) engizgen antıdenelerdi ólsheýdiń jańa standartyn bildiredi. Buǵan deıin antıdenelerdiń mólsherin anyqtaıtyn ár túrli birlikte ólsheıtin túrli testter bolǵan.
«Endi biz antıdeneni burynǵydaı tıtrlar boıynsha da, pozıtıvtilik koefısıenti boıynsha da emes, halyqaralyq birlikter boıynsha salystyrýymyz kerek», - dep túsindirdi ol.