AQSH-ta keıbir janýarlarǵa qaýipti vırýsqa qarsy vaksına salyndy
Koronavırýs juqtyrýǵa beıim janýarlarǵa vaksına salyna bastaldy. Muny Franklin jáne Stone haıýanattar baǵynyń qyzmetkerleri qolǵa aldy, dep habarlaıdy Almaty-akshamy.kz.
QazAqparat agenttiginiń habarlaýynsha, bul týraly Jańa Anglıa (AQSH-tyń soltústik-shyǵys aımaǵy) haıýanattar baǵynyń saıtynda aıtyldy.
«Jańa Anglıanyń Franklin jáne Stone haıýanattar baqtarynda janýarlar arasynda COVID-19 juqtyrý oqıǵalary bolmaǵanymen, bul vaksına – vırýs juqtyrýǵa beıim janýarlar túrlerin qorǵaý úshin mańyzdy aldyn alý sharasy», - dedi Jańa Anglıa haıýanattar baǵynyń aǵa veterınary Krıs Bonar.
Vaksınany birinshi kezekte koronavırýs juqtyrý qaýpine ushyraǵan janýarlar alady.
Vaksınalaý úshin Ptizer-diń qurylymdyq bólimshesi bolyp tabylatyn Zoties veterınarlyq farmasevtıkalyq kompanıasynyń preparaty qoldanylýda. Zoties tórt apta ıntervalmen eki dozamen salynady. Qaýip sheńberindegi barlyq janýarlardy tolyq vaksınalaý úshin úsh aıdan tórt aıǵa deıin ýaqyt qajet bolady. Zoties veterınarlyq farmasevtıkalyq kompanıasy 70-ke jýyq haıýanattar baǵy men janýarlardy qorǵaıtyn basqa da mekemelerdegi 100-den astam túrdi qorǵaýǵa kómektesý úshin koronavırýsqa qarsy vaksınanyń 11 myńnan astam dozasyn bóldi.