Omıkronnyń quramynda 32 mýtasıasy bar
Alańdaýshylyq týdyratyn koronavırýstyń anyqtalǵan jańa B.1.1.529 shtammyna DDU «omıkron» degen ataý berilidi, dep habarlaıdy Almaty-akshamy.kz COVID19 taralýyna jol bermeý jónindegi VAK-qa silteme jasap.
Anyqtalǵan nusqa mýtasıasynyń sany kóp jáne bul shtamm basqa VOCtarǵa qaraǵanda, qaıta juqtyrýdyń qaýpi joǵary. Dúnıejúzilik densaýlyq saqtaý uıymy qoǵamdyq oryndarda baqylaýdy kúsheıtýge jáne aqparatty ornalastyrýǵa, sonymen qatar VOC ınfeksıasyn juqtyrý týraly habar berýge shaqyrdy. Sondaı-aq, «omıkron» shtamynyń epıdemıologıalyq jaǵdaıǵa áser etý múmkindigin, aldyn-alý sharalarynyń tıimdiligin, antıdenelermen árekettesýin zerdeleý maqsatynda zertteýler júrgizý usynyldy.
Eýropada COVID-19 jańa «omıkron» shtammyn juqtyrý faktisi tirkeldi. Belgıada oryn alǵan bul jaǵdaı, koronavırýstyń «omıkron» shtammyn juqtyrǵan naýqastyń Mysyr elinen kelgendigi anyqtaldy. Naýqas áıelde koronavırýstyń alǵashqy belgileri 22 qarashada paıda boldy. Kóptegen mýtasıalarmen sıpattalatyn KVIdiń jańa B.1.1.529 modıfıkasıasy alǵash ret qarasha aıynyń basynda Botsvana men Ońtústik Afrıka Respýblıkasynda anyqtaldy. Omıkron quramynda 32 mýtasıasy bar jáne «delta» shtammǵa qaraǵanda álde qaıda juqpaly.