Almaty mýzeıinde 9 mamyr - Jeńis kúni qarsańynda jeńis týyn tikken halyq qaharmany Rahymjan Qoshqarbaevtyń týǵanyna 100 jyl tolýyna oraı «Erliktiń óshpes dańqy» atty kórme ashyldy.
Kórmege Qazaqstan Respýblıkasynyń Qarýly Kúshter áskerı-tarıhı mýzeıiniń jáne Almaty mýzeıiniń qorynan alynǵan jádigerler qoıyldy.
Uly Otan soǵysy batyrlarynyń fotosýretteri, qujattary, jeke keshenderi men marapattary jáne soǵys kezindegi qarý-jaraqtar kóptiń kózaıymyna aınaldy.
Sonymen qatar Keńes Odaǵynyń batyry, Táýelsiz Qazaqstannyń tuńǵysh qorǵanys mınıstri, Halyq Qaharmany, armıa generaly Saǵadat Nurmaǵambetov jáne 1945 jyly Jeńis sherýine qatysýshy, Qazaq KSR İshki ister mınıstri Andreı Georgıevıch Plataevtyń áskerı kıimderi jáne medaldary kórme ekspozısıasyna qoıyldy.
Atalǵan is-sharaǵa Qazaqstan Respýblıkasynyń Qarýly Kúshteri Áskerı-tarıhı mýzeıiniń qyzmetkeri Asqar Abdýalıuly, tarıh ǵylymdarynyń kandıdaty, dosent Arman Qabdeshuly, jazýshy, tarıhshy Elena Georıgevna jáne İlıas Esenberlın atyndaǵy №25 gımnazıa mektep oqýshylary qatysty.
