Koreıadaǵy Qazaqstan Elshiliginiń konsýldyq bólimi táýlik boıy jumys rejımine aýystyryldy.
Sol eldegi quzyretti organdarmen turaqty baılanysta bolatyn jedel shtab quryldy. Qazir dıplomattar konsýldyq esepte turǵan qazaqstandyqtarǵa habarlasyp jatyr.
Buǵan deıin habarlanǵandaı, Helloýın merekesinde adamdar tar kóshege kirip, birin-biri taptap ótken. Qaıtys bolǵandar sany 150 adamnan asty, dep habarlaıdy Almaty-akshamy.kz.
Olardyń arasynda bir qazaqstandyq azamat bar. Ol - 1996 jyly týǵan Aqtóbe oblysynyń týmasy. Syrtqy ister mınıstrliginiń habarlaýynsha, otandasymyz Koreıa Respýblıkasynyń joǵary oqý oryndarynyń biriniń stýdenti bolǵan.
Memleket basshysy Qasym-Jomart Toqaev Koreıa Respýblıkasynyń Prezıdenti Iýn Sok Ëlge Seýlde bolǵan qaıǵyly oqıǵaǵa baılanysty kóńil aıtý jedelhatyn joldady. Onda Itevon aýdanynda kóp adamnyń qaza tapqany jónindegi sýyt habardy tereń kúızelispen qabyldaǵanyn jazǵan.