Koreı júzimi Shine Muscat tek Azıada ǵana emes, Qazaqstanda da úlken suranysqa ıe bolýda. Óziniń tátti dámi men úlken jıdekterimen jurtshylyqtyń kóńilin aýdara bastady. Biraq bul trendtiń artynda ne tur jáne bul júzim qaıdan shyqty?, - degen saýalǵa aqshamnews.kz jaýap izdep kórgen bolatyn.
Shine Muscat nemese «koreı júzimi» — úsh túrli júzim sortynan alynǵan gıbrıd, ony alǵash ret Japonıada ósirgen. Degenmen, Japonıanyń klımaty bul júzimdi ósirýge yńǵaısyz bolǵandyqtan, ol Qytaı men Koreıaǵa aýysyp, sol jerlerde keń tarala bastady. Koreıa bul júzimdi eksportqa shyǵara bastady, sondyqtan «koreı júzimi» atanyp ketti. Aıta ketý kerek, bul júzimniń túrleri ártúrli elderde azdap ózgeshe bolýy múmkin.
Shine Muscat júziminiń eń basty artyqshylyǵy — onyń dámi. Ol óte tátti ári shyryndy, sonymen qatar súıeksiz. Bul dámde mýskat pen baldyń úılesimi bar, sondyqtan ony deserttik júzimderdi unatatyndar úshin taptyrmas tańdaý.
Shine Muscat júziminiń bir ereksheligi — onyń úlken jıdekteri. Bul tek júzim emes, naǵyz jemis delıkatesi, onyń kólemi men syrtqy túri kópshiliktiń nazaryn aýdarady.
Qazaqstanda Shine Muscat júzimi úlken tanymaldylyqqa ıe boldy. Ony Instagram, TikTok arqyly nemese tikeleı júk kóliginen satyp alýǵa bolady. Baǵasy kılogramyna 6 000-9 000 teńge aralyǵynda. Biraq dál osy ónimge tapshylyq týyndap turǵan joq.
Shine Muscat júzimin iri sýpermarketterden, onlaın dúkenderden nemese áleýmettik jeliler arqyly tabýǵa bolady. Bul júzimniń tanymaldyǵy kúnnen kúnge artyp keledi, sondyqtan ony baǵasy aldaǵy ýaqytta tómendeıdi degen boljam bar.
Keıbir tutynýshylar Shine Muscat júziminiń úlken kólemin hımıalyq zattarmen óńdeýdiń nátıjesi dep alańdaıdy. Bul máseleni eskere otyryp, satyp alý kezinde tek senimdi jetkizýshilerden nemese sertıfıkattalǵan ónimderden alýǵa tyrysyńyz.