Almatyda kópirler men jolaıyryqtyń jigin jóndeýde eýropalyq tehnologıalar qoldanyldy
Almaty qalasy máslıhatynyń kezekti XV sesıasy barysynda máslıhat depýtattary jolaıyryqtaryndaǵy deformasıalyq jigin jóndeý úshin qandaı tehnologıalar qoldanylatynyn surady. Sondaı-aq, qaladaǵy kópirler men jolaıyryqtardyń jer silkinisine tózimdiligi týraly suraq qoıyldy, dep habarlaıdy almaty-akshamy.kz.
Almaty qalasy mobıldilik basqarmasy basshysynyń orynbasary Ernur Ábjahannyń jaýaby:
Raıymbek dańǵyly men Áshimov kóshesiniń qıylysyndaǵy estakadada 10 sm-ge deıingi deformasıalyq jik baıqaldy. Bul qurylymnyń buzylýy emes, fızıkalyq prosester, qysta metal men betonnyń syǵymdalýymen jáne jazda sozylýymen baılanysty, ıaǵnı bul temperatýra amplıtýdasynyń nátıjesi. Bul jolaıyryqtyń jaramdylyq merzimi 10 jyl. Ol 2014 jyly salynǵan jáne onyń paıdalaný merzimi aıaqtalýǵa jaqyn. Sondyqtan bıyl deformasıalyq jik boıynsha jumys júrgizildi, barlyǵy tolyq jóndeýden ótti. Eýropalyq tehnologıa qoldanyldy.
Endi kópir, jolaıyryq sıaqty jasandy qurylystardy jóndeýge kelsek. Búgingi tańda 12 oryn anyqtaldy. Aldyńǵy jer silkinisinen keıin bizdiń mamandar barlyq kópirdi zerttedi. Eshqandaı qaýip anyqtalǵan joq. Alaıda qoldanystaǵy kópirler aǵymdaǵy jáne kúrdeli jóndeýden ótip jatyr.
