2024 jylǵy 31 mamyr men 1 maýsym aralyǵynda Almaty qalasy Ádilet departamenti belgili kondısıoner óndirýshiniń taýar belgisin zańsyz paıdalana otyryp, kontrafaktilik ónimniń jolyn kesý boıynsha aýqymdy reıd júrgizdi, dep habarlaıdy almaty-akshamy.kz
15 saǵatqa sozylǵan arnaıy operasıa zardap shekken brendtiń ótinishine jaýap retinde uıymdastyryldy jáne tekserýdi taǵaıyndaý týraly akt negizinde júzege asyryldy.
Ádilet departamenti qyzmetkerleriniń úılestirilgen is-qımyldarynyń nátıjesinde 5 253 000 teńgeni quraıtyn kontrafaktilik ónim tárkilendi. Tárkilengen ónimniń sapasy úlken kúmán týdyrady jáne onyń shyǵý tegi belgisiz bolyp qalady. Osy fakt boıynsha Qazaqstan Respýblıkasynyń Ákimshilik quqyq buzýshylyq týraly Kodeksiniń 158-baby boıynsha Ákimshilik quqyq buzýshylyq týraly hattama toltyryldy.
Arnaıy operasıa barysynda Ádilet departamentiniń qyzmetkerleri tekseriletin sýbektiniń tarapynan qarsylyq pen kedergige tap bolǵanyn atap ótken jón. Qarsylyq kórsetken úsh adamǵa qatysty ákimshilik quqyq buzýshylyq týraly Kodekstiń 462-baby boıynsha Ákimshilik quqyq buzýshylyq týraly hattama jasaldy.
Qazirgi ýaqytta istiń barlyq materıaldary sotqa berildi jáne kinálilerdi jaýapqa tartý úshin barlyq qajetti is júrgizý áreketteri qabyldanýda.
Almaty qalasynyń Ádilet departamenti taýar belgileriniń zańdy ıeleriniń quqyqtaryn qorǵaı otyryp jáne zańnamanyń saqtalýyn qamtamasyz ete otyryp, zıatkerlik menshik salasyndaǵy buzýshylyqtarmen batyl kúresýdi jalǵastyrýda.
Qosymsha suraqtar týyndaǵan jaǵdaıda Almaty qalasy Ádilet departamentiniń baspasóz qyzmetine habarlasyńyz +7 777 252 23 23 Bekbotaev Almas Nurjanuly.