Konstıtýsıalyq Keńes Qazaqstan Respýblıkasynyń Prezıdenti Q.K. Toqaevtyń QR «Qazaqstan Respýblıkasynyń Konstıtýsıasyna ózgerister men tolyqtyrýlar engizý týraly» zańynyń jobasyn Qazaqstan Respýblıkasy Konstıtýsıasynyń 91-babynyń 2-tarmaǵynda belgilengen talaptarǵa sáıkestigi turǵysynan qaraý týraly ótinishin konstıtýsıalyq is júrgizýge qabyldady, dep habarlaıdy Almaty-akshamy.kz.
«Qazaqstan Respýblıkasynyń Konstıtýsıalyq Keńesi týraly» Konstıtýsıalyq zańyna sáıkes, atalǵan ótinishti Konstıtýsıalyq Keńestiń otyrysynda qaraý úshin qajetti materıaldardy daıyndaý jumysy júrgizilýde.
Konstıtýsıalyq Keńestiń sheshimi buqaralyq aqparat quraldarynda jarıalanady.