Basty ıdeıa azamattyń múddeleri basty orynǵa shyǵady
Buqaralyq aqparat quraldar betterinde Memleket basshysy Toqaevtyń Qazaqstanda Konstıtýsıaǵa engiziletin túzetýler jobasy boıynsha referendým ótkizý týraly usynysy jaryq kórdi. Osyǵan oraı Senat depýtaty Aqmaral Álnazarova pikirin bildirgen edi, dep habarlaıdy Almaty-akshamy.kz Malim.kz-ke silteme jasap.
Aqmaral ÁLNAZAROVA, Senat depýtaty:
– Referendýmdar kóbinese mańyzdy zań aktisin, qujatty, Konstıtýsıaǵa túzetýlerdi qabyldaý úshin ótkiziledi. Konstıtýsıaǵa bul túzetýler irgeli sıpatqa ıe jáne eldiń saıası júıesin túbegeıli ózgertetin qadam.
Óz basym bul usynysty quptarlyq dep kórem, sebebi bul referendým Prezıdentimizdiń «halyqtyń únine qulaq asatyn memleket» konsepsıasynyń jalǵasy retinde sıaqty. Ondaǵy basty ıdeıa azamattyń múddeleri basty orynǵa shyǵatyn, onda memlekettik organdardyń azamattarmen ózara árekettese otyryp, azamattardyń sheshim qabyldaý jáne olardyń baqylaý prosesine tartylýyna múmkindik beretin kedergisiz memleket qurý dep bilemin.
Konstıtýsıaǵa túzetýlerdi referendým ótkizý arqyly engizý, bul halyqtyń erik bildirýiniń jarqyn kórinisi. Sebebi árbir azamat «Jańa Qazaqstannyń» qurylysyna qatysa alady.