Referendýmnyń mán-mańyzyn túsingen oqytýshylar eldegi saıası ózgeris eń aldymen daýys berýden bastalatynyn aıtyp otyr
Referendýmǵa belsendi atsalysý – eń áýeli azamattardyń saıası quqyǵy. Sondyqtan usynylatyn jobadaǵy ózgerister de el turǵyndarynyń múddesi úshin bolmaq. Bul rette alda bolatyn respýblıkalyq daýys berýdiń júıesin túsindirgen mamandar búgin Almatydaǵy «Ádilet» kolejinde kezdesý ótkizdi, dep habarlaıdy Almaty-akshamy.kz Almaty.tv –ge silteme jasap.
Al referendýmnyń mán-mańyzyn túsingen oqytýshylar eldegi saıası ózgeris eń aldymen daýys berýden bastalatynyn aıtyp otyr.
«Referendým – bul Qazaqstan halqy úshin óte mańyzdy dep esepteımin. Óıtkeni, Konstıtýsıaǵa keıbir baptarǵa engiziletin ózgerister ár qazaqstandyq úshin mańyzdy. Biz búgin Bostandyq aýdanynyń ákimshiliginen kelgen adamdarmen bul jaıly talqyladyq jáne bárimiz osy referendýmǵa atsalysamyz, daýys beremiz», – dedi «Ádilet» kolejiniń oqytýshysy Kúnzıra Laıyq.
«Birinshiden, Parlamenttiń kúsheıetinine qýanyshtymyn. Bul degenimiz, halyqtyń tańdaý quqyǵy eskeriledi degen sóz. Álbette, óz taǵdyrymyzdy ózimiz tańdap, bul referendýmda daýys berýden shette qalmaýymyz qajet», – dedi QHA-nyń múshesi Olesá Klımenko.