Konsert kezinde adasqan 235 bala ata-anasymen tabysty

Konsert kezinde adasqan 235 bala ata-anasymen tabysty Sýret: Polisia.kz

 

Polısıa qyzmetkerleri ata-anasynan adasyp qalǵan 235 balany otbasymen qaýyshtyrdy, dep habarlaıdy aqshamnews.kz.

Keshe Qaraǵandyda Shahterler kúni merekesi keń aýqymda atalyp ótti. Osynsha balanyń ata-anasynan adasyp qalǵanyna qarap Qaraǵandyda bul kúnniń qandaı aýqymda atalyp ótkenin baǵamdaı berýge bolatyn shyǵar. 

Deıturǵanmen, Shahterler kúni qaýipsiz ótti, dep málimdeıdi tártip saqshylary. 

Ortalyq alańǵa 120 myńǵa jýyq qala turǵyny men qonaqtary jınalyp, merekelik konsertke kýá boldy. Sharanyń qaýipsizdigin qamtamasyz etý maqsatynda 1000-nan astam polısıa qyzmetkeri jáne Ulttyq ulannyń 300 áskerı qyzmetshisi jumyldyryldy. Merekede birde-bir quqyq buzýshylyq tirkelgen joq. Degenmen, halyq kóp shoǵyrlanǵan orynda balalardyń adasyp qalý jaǵdaılary tirkeldi. Barlyǵy 235 bala ýaqytsha ata-anasynan ajyrap qalǵan. Polısıa qyzmetkerleriniń jedel ári úılesimdi áreketiniń arqasynda olardyń barlyǵy qysqa ýaqyt ishinde tabylyp, ata-anasyna aman-esen tabystaldy.

Osy maqsatta tártip saqshylary konserttiń júrgizýshilerimen turaqty baılanys ornatyp, tabylǵan balalar jaıly jedel habar taratyp otyrdy. Sondaı-aq balalardyń qaýipsizdigi úshin arnaıy avtobýs bólinip, onda búldirshinder ata-anasy kelgenge deıin baqylaýda boldy. Bul oqıǵa polısıa qyzmetiniń basty qaǵıdaty – azamattardyń qaýipsizdigin qorǵaý men járdemdesýge árqashan daıyn ekendiginiń aıqyn kórinisi boldy. 


Sizdiń reaksıańyz?
Unaıdy
0
Unamaıdy
0
Kúlkili
0
Shekten shyqqan
0
Sońǵy jańalyqtar

17:29

17:04

15:37

13:51

12:18

11:49

11:11

10:26

09:10

08:49

08:35

22:34

22:18

22:17

22:15

13:33

12:05

10:50

10:35

10:23

09:20

08:40

07:41

22:51

22:11