Oqulyqtardy bílím beru ūıymdaryna jóneltu tolyq kólemde, yaǵnı 100 paıyzǵa oryndaldy.
Mūndaı derektí QR Oqu-aǵartu mınıstrlígíníń Respublıkalyq ǵylymı-praktıkalyq bílím mazmūnyn saraptau ortalyǵy keltírdí, dep habarlaıdy aqshamnews.kz.
Ótínímderdí qalyptastyru jáne olardyń satyp aluyn qarjylandyru būrynǵydaı jergílíktí atqarushy organdardyń esebínen júzege asyrylady.
Jańa oqu jylyna oraı mektepter qajettí oqulyqtarmen jáne oqu-ádístemelík keshendermen tolyq qamtamasyz etíldí. Atap aıtqanda, 7, 8, 10 jáne 11-synyptarǵa arnalǵan qaıta basylǵan oqulyqtar, sondaı-aq bastauysh buynǵa arnalǵan jańa basylymdar bílím beru ūıymdaryna jetkízíldí.
Tómengí synyptardyń oqu mazmūnyn jańartuǵa erekshe kóńíl bólínude. Osy oraıda 4-synypqa arnalǵan «Orys tílí» (qazaq tílínde oqytatyn mektepter úshín), shet tílderí (aǵylshyn, nemís, frantsuz), «Eńbekke baulu», «Beıneleu ónerí», «Tsıfrlyq sauattylyq» jáne «Jaratylystanu» (qazaq jáne orys tílderínde) pánderínen jańa oqulyqtar ázírlendí. 3-synyptar úshín ūıǵyr jáne ózbek tílderínde oqulyqtar jaryq kórdí.
Erekshe bílím beru qajettílíkterí bar balalardy oqulyqtarmen qamtamasyz etu boıynsha da jūmys júrgízíldí. Kóru qabíletí būzylǵan jáne nashar kóretín oqushylarǵa arnalǵan arnaıy basylymdar shyǵaryldy. Atap aıtqanda: «Qazaq tílí» (1–3-synyptar), «Jaratylystanu» (1–4-synyptar), «Orys tílí» (2–4-synyptar), «Dúnıetanu» (2–3-synyptar), sondaı-aq «Hımıya» jáne «Bıologıya» (7–10-synyptar, qazaq jáne orys tílderínde).
Sonymen qatar orta jáne joǵary buynǵa arnalǵan oqulyqtar da qaıta basylyp shyqty. Atap aıtqanda, 7-synyp úshín – «Qazaq ádebıetí», «Qazaq tílí men ádebıetí» (orys tílínde oqytatyn mektepterge), «Orys tílí», «Orys ádebıetí», sondaı-aq «Orys tílí men ádebıetí» (qazaq tílínde oqytatyn mektepterge) oqulyqtary jańartyldy. Būdan bólek, algebra, geometrıya, aǵylshyn tílí, fızıka, bıologıya, hımıya, Qazaqstan tarıhy jáne kórkem eńbek pánderí boıynsha da jańa basylymdar ázírlendí. Sonymen bírge «Qazaqstan geografıyasy» (7–8-synyptar), «Qazaqstan tarıhy» (8-synyp), «Alǵashqy áskerı jáne tehnologıyalyq daıyndyq» (10–11-synyptar), «Qūqyq negízderí» (11-synyp) oqulyqtary qaıta basylyp shyqty.