Qazaqstanda jyl saıyn 31 tamyzda Shahterler kúni atalyp ótedi.
Ataýly kúnge oraı Energetıka mınıstri Erlan Aqkenjenov sala mamandaryn merekemen quttyqtady, dep habarlaıdy aqshamnews.kz.
"Barlyq kenshiler men kómir ónerkásibi ardagerlerin naǵyz erlik, tózimdilik pen janqıarlyq eńbektiń kásibı merekesimen shyn júrekten quttyqtaımyn!
Qazaqstandaǵy kómir ónerkásibiniń tarıhy onyń bastaýynda turǵan adamdardyń esimderimen tyǵyz baılanysty. Dál osy ardagerler berik negiz qalap, urpaqtar sabaqtastyǵyn qamtamasyz etip, eńbektiń qaýipsizdik mádenıeti men dańqty dástúrlerin qalyptastyrdy.
Búgingi tańda da shahterler elimizdiń damýyna sheshýshi úles qosýda. Kenshi eńbegi – naǵyz erlik. Jer qoınaýynan paıdaly qazbalardy óndirý joǵary biliktilikti ǵana emes, tolyqtaı janqıarlyqty qajet etedi.
Elimizde 30 kómir óndiretin kásiporynda 32 myńnan astam adam eńbek etip, jyl saıyn 100 mıllıon tonnadan astam kómir óndiredi. Sonyń arqasynda sala elimizdegi elektr energıasynyń 70%-yn óndirýdi qamtamasyz etip, koksohımıa óndirisin tolyq júkteıdi, sondaı-aq ónerkásiptik kásiporyndardyń, komýnaldyq-turmystyq sektor men halyqtyń otynǵa degen qajettiligin tolyq qanaǵattandyrady.
Sizderdiń eńbekterińizdiń arqasynda energetıkalyq turaqtylyq qamtamasyz etilip, ónerkásip damyp, Qazaqstannyń ekonomıkalyq áleýeti nyǵaıa túsýde. Sizder – elimizdiń ekonomıkasynyń tiregi ári halyqtyń maqtanyshysyzdar.
Energetıka mınıstrliginiń jáne óz atymnan sizderge jáne jaqyndaryńyzǵa zor densaýlyq, amandyq, árbir jumys ornynda qaýipsizdik pen jańa jetistikter tileımin. Eńbekterińiz árdaıym laıyqty baǵalanyp, qurmetke bólene bersin! Mereke qutty bolsyn!" - dedi mınıstr.