Kompúterde uzaq ýaqyt jumys isteý merziminen buryn ólý qaýpin 80 paıyzǵa arttyrady. Ǵalymdar bul qaýipti azaıtý boıynsha usynystar berdi, dep habarlaıdy aqshamnews.kz
Ǵalymdar keńse qyzmetkerleri arasynda sozylmaly aýrýlar qaýpin azaıtý boıynsha usynystar jasady. AQSH ǵalymdary júrgizgen zertteýge 6300-den astam qatysýshy qatysqan. Zertteý barysynda keńse qyzmetkerleri arasynda sozylmaly aýrýlar jáne erte ólim qaýpin azaıtý joldary zerttelgen.
Zertteý nátıjeleri boıynsha, kúnine segiz saǵattan artyq ýaqyt kompúterde uzaq otyrý merziminen buryn ólý qaýpin 80 paıyzǵa arttyrady.
Alaıda bul máseleniń ońaı jáne tıimdi sheshimi bar: dene belsendiligin arttyrý arqyly erte ólim yqtımaldyǵyn 20 paıyzǵa, júrek-qan tamyrlary aýrýlarynyń damý qaýpin 11 paıyzǵa azaıtýǵa bolady.
Ǵalymdardyń usynysy boıynsha, bul úshin aptasyna keminde 140 mınýt jeńil dene jattyǵýlarymen aınalysý qajet. Mysaly, osynsha ýaqytty serýendeýge nemese ıoga jattyǵýlaryna arnaý jaqsy nátıje beredi.
Nemese apta boıy 75 mınýt ortasha qarqyndylyqpen júzý, júgirý, fýtbol jáne basketbol oınaý da paıdaly. Jattyǵýlardy ár adam óz qyzyǵýshylyǵy, densaýlyq kórsetkishi jáne múmkindikterine qaraı tańdaı alady.