16 aqpanda saǵat 07:30-dan bastap Almaty qalasynda aldymen qar jaýyp, onyń arty qarǵa ulasty. Saǵat 12:00-degi jaǵdaı boıynsha qalaǵa 7 sm qar jaýdy, dep habarlaıdy almaty-akshamy.kz Almaty qalasy komýnaldyq ınfraqurylymdy damytý basqarmasyna silteme jasap.
Qar tazalaý úshin 483 birlik arnaıy tehnıka men 1180 jol jumysshysy jumyldyryldy. 176 qum taratqyshtyń kúshimen kóktaıǵaqqa qarsy materıaldar (KQM) sebiledi. Saǵat 12:00-degi jaǵdaı boıynsha 1120 tonna KQM paıdalanyldy.
Saǵat 12:00-den bastap jol polısıasynyń patrúldik mashınalarynyń súıemeldeýimen 11 kolonnanyń kúshimen qardy tazartý uıymdastyryldy. Trotýarlardy qardan tazartýǵa 174 shaǵyn gabarıtti tehnıka jumyldyrylǵan. Olar trotýarlardy, jalpy paıdalaný oryndaryn jáne áleýmettik mańyzy bar obektilerge kireberisterdi qardan tazartýda.
Qoǵamdyq kólik aıaldamalary men jer ústi jaıaý júrginshiler ótkelderi qolmen tazartylýda. Aýdan ákimdikterinde jumys óndirisin baqylaý boıynsha táýlik boıy kezekshilik uıymdastyryldy.
