Almatyda 5-6 sáýir aralyǵynda jaýyn-shashyn túsedi dep boljanyp otyr. Komýnaldyq qyzmet kúsheıtilgen jumys rejımine kóshirildi, dep habarlaıdy Aqshamnews.kz Almaty qalasy Komýnaldyq ınfraqurylymdy damytý basqarmasyna silteme jasap.
5 sáýir tańynan 6 sáýir túnge deıin 14 mm-ge deıin jaýyn-shashyn, 15-20 m/s ekpindi jelmen birge naızaǵaı kútiledi. Taýly aımaqta qar aralas jańbyr jaýýy yqtımal.
Yqtımal sý basýdyń aldyn alý jáne saldaryn joıý maqsatynda komýnaldyq qyzmettiń, qutqarý qyzmeti men TJD-nyń barlyq tehnıkasy ázir. 4200 qap qum daıyndalǵan.
Sý basýy múmkin ýchaskede túngi ýaqyttan bastap assenızator mashınasy men motopompa jabdyqtalǵan brıgadalar kezekshilik atqarady.
Sonymen qatar, jaýyn-shashyn kezeńinde jergilikti sý basýdyń aldyn alý jáne olardy joıý úshin motopompalar men arnaıy quraldarmen jabdyqtalǵan jedel brıgadalar jumys isteıdi.