Tiktok-taǵy jazbasy úshin qazaqstandyq áıel aıyppul arqalady.
Qyzylordada áleýmettik jeli arqyly bóten adamnyń ar-namysy men qadir-qasıetine nuqsan keltirgen áıelge 465 myń teńge aıyppul salyndy, dep habarlaıdy aqshamnews.kz oblystyq sotqa silteme jasap.
Oblystyqtyń sot málimetinshe, azamatsha D. Tiktok áleýmettik jelisi arqyly pikir jazyp, jalpy kórilimge shyǵaryp jarıalap, jala jaýyp, azamatsha T.-nyń abyroıy men qadir-qasıetine nuqsan keltirgen.
Sot otyrysynda D.óz kinásin moıyndap, pikir jazǵanyn rastaıtynyn kórsetken. Azamatsha D. áreketi polısıa qyzmetkerleriniń baıanattarymen, ákimshilik quqyq buzýshylyq týraly hattamamen, túsinikterimen, sot psıhologıalyq-fılologıalyq saraptama qorytyndysymen jáne basqa da is boıynsha qujattarmen dáleldengen. Ákimshilik quqyq buzýshylyq týraly kodekstiń 73-baby, 3-tarmaǵy 2-bóligimen ákimshilik jaýapkershilik, kópshilik aldynda nemese buqaralyq aqparat quraldaryn nemese telekomýnıkasıalar jelilerin paıdalana otyryp jala jabý, ıaǵnı basqa adamnyń abyroıy men qadir-qasıetine nuqsan keltiretin nemese onyń bedelin túsiretin kórineý jalǵan málimetter taratý boıynsha kózdelgen.
"Azamatsha D. Qazaqstan Respýblıkasynyń ákimshilik quqyq buzýshylyq týraly kodeksiniń 73-3-babynyń 2-bóligimen kináli dep tanylyp, oǵan 465 192 teńge aıyppul salyndy", - delingen habarlamada.