Mal jaıýǵa shamamen 15 mıllıon gektar jer jetispeıdi.
Bas prokýratýranyń málimetinshe, tek sońǵy 3 jyldyń ishinde prokýrorlar 18 mıllıon gektar jerdiń bos jatqanyn jáne 3 mıllıon gektardyń zańsyz jaıylymǵa berilgenin anyqtaǵan. Onyń 5 mıllıon gektary memleketke qaıtarylyp, taǵy 4 mıllıon gektary aınalymǵa tartyldy, dep habarlaıdy Almaty-akshamy.kz.
Problemanyń týyndaýyna ýchaskelerdi ıgerýge múmkindigi joq adamdar sebep deıdi. Sondaı-aq jerlerdi berý kezindegi zań buzýshylyqtar jáne tıisti baqylaýdyń jasalmaǵany úshin 520 laýazymdy tulǵa, onyń ishinde 42 adam memlekettik qyzmetke kir keltirgeni úshin tártiptik jaýapkershilikke tartylǵan.
Saldarynan adal eńbek etetin fermerler men aýyl halqy jaıylymdardy paıdalaný múmkindiginen aıyrylyp otyr. Jaǵdaıdy jaqsartý úshin bıyl Aýyl sharýashylyǵy mınıstrligimen birlesip, memleketke qosymsha 5 mıllıon gektar jerdi qaıtarý josparlanýda. Quzyrly organ osy baǵyttaǵy jumystar aldaǵy ýaqytta da jalǵasatynyn málimdedi.