Sonymen qatar, tártip saqshylary avtokólikti satyp alýshy men satýshyny bir ýaqytta aldaǵan adamnyń aýdıo jazbasyn usyndy.
"Kóligin satqysy kelgen aqtóbelik bul týraly tanymal saıtta habarlandyrý jarıalaıdy. Oǵan ózin "Artýr" dep tanystyrǵan adam habarlasady. Er adam kólikterdi satyp alyp, qaıta satýmen aınalysatynyn aıtyp, óz tutynýshylarynyń biri onyń kóligine qyzyǵýshylyq tanytqanyn aıtady. Ol avtokólik ıesiniń naryqtyq qunnan joǵary ataǵan baǵasyna tez kelisip, odan saıttaǵy sýret pen habarlandyrýdy dereý arada joıýdy suraıdy. Er adam muny bylaı túsindiredi: ol saıttaǵy jarnamany kórmeýi tıis tutynýshysyna sýretti usynady, óıtkeni ol kóliktiń baǵasyna taǵy ústeme aqy qosady. Kólik ıesi eshnárseden kúdiktenbesten onyń barlyq shartyn oryndaıdy".Aqtóbe oblysy PD baspasóz qyzmeti
Osydan keıin qaskóı jarnama saıtyna ol kólikti qaıta ornalastyrady, biraq óz atynan jáne baǵany naryqtyq baǵadan tómen kórsetedi. Habarlandyrýǵa aqtóbelik jas jigit qyzyǵýshylyq tanytady.
"Ol telefon arqyly "satýshymen" baılanysua shyǵyp, barlyq málimetti talqylap, kólikti kórýge nıet bildiredi. Ótirikshi-satýshy oǵan kóliktiń týysynyń úıiniń aýlasynda turǵanyn aıtady. Sodan keıin ol dereý avtokólik ıesine-satýshyǵa qońyraý shalyp, satyp alýshyny oǵan jibergenin jetkizedi. Sondaı-aq alaıaq naqty satýshyǵa ózin týysy deýin, satyp alýshynyń avtokóliktiń jaǵdaıy men baǵasyna qatysty suraqtaryna jaýap bermeýin, kóliktiń ıesi "Artýr" ekenin, sondyqtan barlyq suraqtardy soǵan qoıý kerektigin aıtýdy tapsyrady. Alaıaq satyp alýshy aqsha aýdarǵan soń óz úlesin alyp qalyp, qalǵan bóligin birden avtokólik ıesiniń shotyna aýdaratynyn aıtyp sendiredi", dep jazdy Aqtóbe oblysy PD baspasóz qyzmeti.
Bul jaǵdaıda satýshy da, satyp alýshy da ózderin alaıaq aldap júrgenin ańǵarmaǵan. Satyp alýshy naqty satýshynyń qasynda otyryp, onyń kelisimimen jalǵan satýshy-alaıaqtyń shotyna avtokólik aqysyn aýdarǵan.
"Aldanǵan satýshy moraldyq shyǵynǵa ushyrady, al satyp alýshy aqshasyz ári kóliksiz qaldy. Alaıaqtyq faktisi boıynsha QR QK-niń 190-baby boıynsha qozǵalǵan qylmystyq is sheńberinde tergeý sharalary júrgizilýde", delingen Aqtóbe oblysy PD baspasóz qyzmetiniń habarlamasynda.