Qystygúni jaýǵan qar saldarynan kólik nómiri kórinbeı qalsa, qansha aıyppul tólenedi?
Qysta keıbir kólik júrgizýshileri kólikteriniń nómirlerin tazalaýǵa salǵyrt qaraıdy, dep habarlaıdy aqshamnews.kz.
Mundaı kólik júrgizýshilerine ÁQBtK-niń 590-babynyń 1-bóligi "Kólik quraldaryn paıdalaný erejelerin buzý" boıynsha aıyppul salynady.
"Oqylmaıtyn nemese sáıkes kelmeıtin memlekettik tirkeý nómirleri (belgileri) ornatylǵan kólikti júrgizý bes aılyq eseptik kórsetkish mólsherinde aıyppul salýǵa ákep soǵady", - dep jazylǵan bapta.
Aıta keteıik, 2025 jyly 1 AEK - 3 932 teńgege teń. Osylaısha, kólik nómirin qardan tazalamaǵan júrgizýshiler 19 660 teńge aıyppul tóleýge týra keledi.