QR Kólik mınıstri demalys kúnderin paıdalanyp, Almaty, Jambyl jáne Qaraǵandy oblystarynyń kólik ınfraqurylymy obektilerimen tanyspaq, dep habarlaıdy almaty-akshamy.kz.
Marat Qarabaevtyń óńirlerge kezekti jumys sapary Almaty qalasyndaǵy logıstıka jáne kólik Akademıasyna barýdan bastaldy. Akademıa tarıhy 1931 jyldan Orta Azıa temirjol ınjenerleri ınstıtýtynyń fılıaly ashylǵannan bastalady. Búginde ol Qazaqstannyń tehnıkalyq joǵary oqý oryndarynyń arasynda úzdik bestikke kiredi.
Akademıanyń materıaldyq-tehnıkalyq bazasymen tanysý barysynda mınıstr joo oqytýshylarymen kezdesý ótkizip, Kólik mınıstrligi men akademıa arasynda ornatylǵan yntymaqtastyqty odan ári ilgeriletý joldaryn belgiledi.
Ári qaraı Marat Qarabaev Almaty metropolıtenine bardy. Qazirgi ýaqytta Almatyda 11 metro stansıasy jumys isteıdi, uzyndyǵy 13 km jelide elektr poıyzdarynyń 15 quramy júredi, ortasha jolaýshylar aǵyny kúnine 80-85 myń adamdy quraıdy.
Vedomstvo basshysy «Jibek joly» stansıasyndaǵy ortalyq dıspecherlik basqarmanyń da jumysymen tanysty. Kásiporyn basshylyǵymen kezdesýde kólik mınıstri Almatyda metronyń damýynyń mańyzdylyǵyn atap ótip, júrgizilip jatqan jumystardyń sapasyna tıisti baqylaýdy qamtamasyz etýdi tapsyrdy.
Sodan keıin Marat Qarabaev jumys istep turǵan stansıalardyń jaı-kúıi men qyzmet kórsetý sapasyn tekserip, sondaı-aq aldaǵy ýaqytta qoldanysqa beriletin «Qalqaman» stansıasynyń qurylys alańyna bardy. Nysandy 2025 jylǵa qaraı paıdalanýǵa berý josparlanǵan.
Mınıstr jumys sapary aıasynda «Uzynaǵash-Otar» avtojolyn qaıta jańartý ýchaskesine baryp, ÚAAAJ avtojolynyń jumysyn tekseredi. Mınıstrlik basshysy jeksenbi kúni Qonaev qalasyndaǵy temirjol vokzalynyń jumysymen tanysyp, «Qurty-Qonaev» avtojolynda qaıta jańartý boıynsha jumystar júzege asyrylyp jatqan ýchaskelerdi tekseredi.
Budan ári mınıstr Qurty aýylynan Qaraǵandy qalasyna deıingi ýchaskede «Almaty-Ekaterınbýrg» avtojolymen avtokólikpen júrip ótedi. Sapar barysynda Marat Qarabaev «Qurty-Býrylbaıtal», «Balqash-Býrylbaıtal» jáne «Qaraǵandy-Balqash» qaıta qurý ýchaskelerin tekseredi.