Almatylyq polısıa qyzmetkerleri “aına urysyn” ustady
Polıseılerdiń málimetinshe, qazirgi ýaqytta 31 jastaǵy shahar turǵynynyń 11 kóliktiń aınasyn urlaýǵa qatysy bar ekeni dáleldendi, dep habarlaıdy Almaty-akshamy.kz.
«Barlyq faktiler boıynsha qylmystyq ister tirkeldi. Olar bir óndiriske biriktirilgen. Jedel izdestirý is-sharalary barysynda qaskóı turǵylyqty jerinde ustaldy. Odan satýǵa daıyndap qoıǵan sheteldik kólikterden urlanǵan kólik aınalary tárkilendi. Er adam túngi ýaqytta turǵyn úılerdiń aýlalarynda urlyq jasaǵan. Olardy naryq baǵasynan tómen baǵada satqan. Kúdikti negizinen Toyota, Lexus, Mercedes kólikterine mamandanǵan», – deıdi Áýezov aýdandyq PB janyndaǵy polısıa bólimi bastyǵynyń orynbasary Tımýr Mýlınov.
Kúdikti esh jerde jumys istemeıdi.
«Ol jaqynda túrmeden shyqty. Biraq durys qorytyndy jasaı almaǵan sıaqty. Ońaı aqsha tabý múmkindigi kúshti boldy. Qazirgi ýaqytta kúdikti ýaqytsha ustaý ızolátoryna qamalyp, qamaýǵa alý týraly sanksıa berildi. Onyń qala aýmaǵynda jasalǵan osyǵan uqsas qylmystarǵa qatysy bar-joǵy tekseriletin bolady», – dedi Tımýr Mýlınov.