Aýyl sharýashylyǵy mınıstri Aıdarbek Saparov Aqmola oblysynyń egistik alqaptary men A.Baraev atyndaǵy ǵylymı-óndiristik ortalyqqa baryp, óńir sharýalarymen kezdesti.
24 mamyrda Aqmola oblysynda jalpy egis alqabynyń 5,2 mln ga-na 1,6 mln ga egildi. Oblystyń egis alqaptarynyń 80% -y qazaqstandyq seleksıanyń tuqymdarymen, onyń ishinde A.Baraev atyndaǵy Ǵylymı-óndiristik ortalyqtyń ǵalymdary shyǵarǵan sorttarmen sebiledi.
Aıdarbek Saparov Ortalyqtyń taldaý zerthanalarynda bolyp, Shortandy jaqsartylǵan 95, Shortandy 2012, Shortandy 2014, Taımas sıaqty suryptardy kóbeıtý jónindegi ǵalymdardyń jumystarymen tanysty. Ortalyq ujymy egistikti ártaraptandyrýdyń tıimdiligi, topyraq ylǵalyn saqtaý jáne tıimdi paıdalaný, topyraqty erozıadan qorǵaý, tuqymdyq materıaldy egiske daıyndaý týraly aıtty.
«Aııam-7» JSHS alqabynda, odan keıin onlaın rejımde mınıstr sharýalardyń saýaldaryna jaýap berdi. Sondaı-aq, aýyl sharýashylyǵyn memlekettik qoldaý tetikterindegi ózgerister, statısıkamen jumys jáne AÓK jalpy óniminiń kólemin 2 esege arttyrý múmkindikteri týraly túsindirdi.
«Tyńaıtqysh berip, sapaly tuqym paıdalanatyn sharýalar 20-25 s/ga ónim alyp jatyr», - dedi mınıstr.
Bul tonnasy 70-80 myń teńgeden satylatyn reseılik astyqpen básekelesýge múmkindik beredi deıdi ol.
Ókinishke oraı, Qazaqstanda 6 myńnan astam sharýashylyq tyńaıtqyshtardyń jetkilikti kólemin paıdalanbaıdy, onyń basty sebebi – mıneraldy tyńaıtqyshtardy satyp alýdy ýaqtyly qarjylandyrýdyń joqtyǵy.
2024 jyly Qazaqstan Respýblıkasynyń Aýyl sharýashylyǵy mınıstrligi Memleket basshysynyń tyńaıtqysh engizý kólemin 1,5 mıllıon tonnaǵa deıin arttyrý týraly tapsyrmasyn oryndaý maqsatynda sharýalarǵa qajetti qoldaý sharalaryn kórsetýde. Aldyn ala sýbsıdıalaýdyń jańa mehanızmi bar, tyńaıtqysh óndirýshilermen bólip tóleý máselesi pysyqtaldy. Bul sharýaǵa qazir emes, keıinirek eginnen tóleýge múmkindik beredi. Aıdarbek Saparov sharýalardy quraldy belsendi paıdalanýǵa shaqyryp, aýdan ákimdikterine árbir sharýaǵa aqparat jetkizýdi tapsyrdy.
Aýyl sharýashylyǵy taýar óndirýshileri jyldyq 5 paıyzdyq mólsherlememen nesıe ala alady. Nesıe merzimi – 12 aıǵa deıin. «Keń dala-2» baǵdarlamasyna ótinimder 29 sáýirden bastap qabyldanýda, ótinishter kún saıyn, sonyń ishinde demalys kúnderi de qabyldanady.
Búgingi tańda atalǵan baǵdarlama aıasynda 600-den astam sharýa qojalyǵy jalpy somasy 46,6 mlrd teńgege ótinim berdi, bul 425,2 myń gektar egis alqabyn qamtýǵa múmkindik beredi.
Premer-Mınıstrdiń tapsyrmasy boıynsha QR ASHM, ANK, QAF, Azyq-túlik korporasıasy óńirlerge baryp, aýyl sharýashylyǵy taýarlaryn óndirýshilerge qoldaý kórsetý sharalaryn túsindirýde.
Sondaı-aq, tabyndy shegirtkelerge qarsy kúreske erekshe nazar aýdarý qajet.
Búginde Aqmola oblysynda josparlanǵan óńdeý alańy Jarqaıyń aýdanynda 39 myń gektardy quraıdy, eger óńdeý ýaqytyly júrgizilmese, bul aýmaq aıtarlyqtaı artýy múmkin. Mınıstr barlyq qajetti dári-dármek satyp alynǵanyn jáne qural-jabdyqtar daıyn ekenin atap ótti.