Azamattyq qorǵaý memlekettik júıesin jetildirý, basqarý organdaryn, kúshter men quraldardy aldaǵy kóktemgi sý tasqyny kezeńine daıyndaý maqsatynda aǵymdaǵy jyldyń 8-9 aqpan aralyǵynda «Kóktem-2024» respýblıkalyq komandalyq–shtabtyq oqý-jattyǵýyn ótkizý josparlanǵan, dep habarlaıdy almaty-akshamy.kz
Oqý-jattyǵýǵa ortalyq memlekettik jáne jergilikti atqarýshy organdar, oblystyq, qalalyq jáne aýdandyq azamattyq qorǵaý qyzmetteri, Tótenshe jaǵdaılar mınıstrliginiń bólimsheleri, İshki ister jáne Ulttyq ulannyń áskerı bóliminen jedel toptar tartylatyn bolady. Respýblıkalyq oqý jattyǵý shtaby Aqtóbe qalasynda ornalasady.
Aǵymdaǵy jyldyń 3 aqpanynda oqý-jattyǵýdy basqarý shtabynyń bastyǵy podpolkovnık Kaharman Orazalınniń basshylyǵymen TJM ortalyq apparatynyń, Aqtóbe oblysy TJD qurylymdyq bólimsheleriniń qyzmetkerlerinen qurylǵan jedel shtab múshelerimen jumys keńesi ótkizildi.
Jumys keńesi barysynda oqý-jattyǵýdy daıyndaý jáne ótkizý boıynsha uıymdastyrýshylyq máseleler qaraldy, jedel toptar tekserý úshin ýchaskeleri men baǵyttardy aıqyndady, ınjenerlik jumystar josparyna sáıkes oblysta qabyldanǵan aldyn alý sharalary zerdelendi.
Sonymen qatar ótkizilgen sý tasqynyna qarsy is-sharalarmen tanysý maqsatynda Qobda aýdanyna komısıalyq shyǵý júzege asyryldy. Ótken jylǵy sý tasqyny kezeńinde 79 turǵyn úı men 3 ákimshilik ǵımarat sý astynda qalǵan bolatyn, jergilikti atqarýshy organdardyń aldaǵy sý tasqyny kezeńine daıyndyq deńgeıi de tekserildi.
Aqtóbe oblysy TJD daǵdarys ortalyǵynyń bazasynda oqý-jattyǵý shtaby jedel tobynyń jumysy jalǵasýda.