Kókshetaýda mektepte jarylǵysh zatqa uqsaıtyn qurylǵy tabyldy.
Symdary bar qańyltyr qalbyrdy mekteptiń sharýashylyq qyzmetkeri baıqap qalǵan. Oqıǵa ornyna kelgen polıseıler 20 muǵalim men 10 qyzmetkerdi evakýasıalaǵan, dep habarlaıdy Almaty-akshamy.kz Qazaqstan.tv saıtyna silteme jasap.
Ǵımarattyń ishi men aýlasy tolyq tekserildi. Sodan keıin erejege sáıkes mamandar ózderi beligisiz zatty mektep aýlasynda jaryp jiberdi. Zardap shekkender joq. Oqıǵa keshe keshke N2 mektep-lıseıinde boldy.
"Jedel izdestirý sharalarynyń nátıjesinde belgisiz qurylǵyny osy mektepte oqıtyn qyz balanyń jasaǵany anyqtaldy. Oǵan bilim ordasynda oqyǵysy kelmegeni sebep bolǵan. Qazirgi ýaqytta atalǵan derek boıynsha tekseris jalǵasýda. Iývenaldy polısıa oqýshyny esepke alý boıynsha sheshim qarastyryp jatyr", - deıdi Aqmola oblystyq polısıa departamenti baspasóz qyzmetiniń ókili Ásem Ábdirahmanova.