Ǵalymdar klımattyń dál osy ózgerisi asa qaýipti ekenin aıtyp, dabyl qaǵýda.
Sońǵy jıyrma jyl aralyǵynda AQSH pen Ulybrıtanıa ǵalymdarynyń zertteýleri nátıjesinde jerdegi muhıttardyń 56%-ynyń túsi jasyldanǵany ańǵarylǵan. Muny olar ǵaryshtan túsirilgen sýretter arqyly kórgen. Ásirese tropıkalyq aımaqtarda anyq baıqalǵan.
Nature ǵylymı jýrnalynda ǵalymdardyń zertteýleri jaryq kórdi, dep habarlaıdy Almaty-akshamy.kz Egemen.kz-ke silteme jasap.
Muhıt túsi betki qabattaǵy ózgeriske qaraı qubylady. Zańdylyq boıynsha, bul qabatta fıtoplankton kóp bolsa, muhıt beti jasyl tarta bastaıdy. Atalǵan qubylys negizinde álemdi jasyldandyrý saıasatyna keletin sekildi bolǵanymen, onyń keri áseri óte qaýipti, eń aldymen bul muhıttaǵy ekojúıeni qurtady, deıdi ǵalymdar.
Ǵalymdardyń boljaýynsha, ekojúıe buzylǵan saıyn ondaǵy tirshilik joıylady.
Muhıt beti túsiniń kókten jasylǵa qaraı ózgerýin ǵalymdar álemdik klımattaǵy ózgerispen, sonyń ishinde jappaı jylynýmen baılanystyrady.