Pákistan Islam Respýblıkasynyń Lahor qalasynda jergilikti uıymdasqan top erekshe sýreti bar kóılek kıgen áıeldiń kıimin jyrtyp jibere jazdady.
Saýatsyz top kıimdegi arab kallıgrafıasyn Quran aıattary dep túsinip, qyzdy kúpirlik etti dep aıyptady, dep habarlaıdy almaty-akshamy.kz Al Jazeeraǵa silteme jasap.
Jergilikti turǵyndar arab kallıgrafıasy bar kóılek kıip, qoǵamdyq orynda júrgen áıeldi qorshap alyp, óltiremiz dep qorqytty. Ashýly adamdardan qutylýǵa jergilikti polısıa qyzmetkeri kómektesken. Polısıa názik jandy qyzdy aman-esen shyǵaryp salý úshin jınalǵan adamdarmen kelissóz júrgizip, ony tynysh jerge aparǵan.
Jeli qoldanýshylar, ásirese Pákistan turǵyndary da jaralanǵan áıeldi jaqtap pikir bildirgen. Pikir bildirýshilerdiń basym kópshiligi quqyq qorǵaý organdary ókilderi janjal týdyrǵandardy taýyp, jaza qoldanýdy talap etken.