Ulttyq ekonomıka mınıstrliginiń Tabıǵı monopolıalardy retteý komıteti (TMRK) elimizdiń barlyq gazdandyrylǵan óńirleri boıynsha «QazTranGaz Aımaq» AQ-nyń tutynýshylary úshin taýarlyq gazdyń baǵasyna saraptama júrgizýge bastamashylyq jasady, dep habarlaıdy Almaty-akshamy.kz
Máselen, 2021 jylǵy qyrkúıek aıynyń sońynda «QazTranGaz Aımaq» AQ tarıftik vedomstvosynyń suraýy boıynsha baǵaǵa saraptama júrgizý úshin qajetti qujattar usynǵan bolatyn.
Baǵa saraptamasy aıasynda TMRK usynylǵan materıaldarǵa muqıat taldaý júrgizdi, sondaı-aq «QazTranGaz Aımaq» AQ qosymsha usynǵan materıaldardy zerttedi, dep habarlaıdy QazAqparat QR Ekologıa, geologıa jáne tabıǵı resýrstar mnıstrligine qarasty Tabıǵı monopolıalardy retteý komıtetiniń baspasóz qyzmetine silteme jasap.
Osylaısha, baǵa saraptamasyn qaraý qorytyndysy boıynsha, Tabıǵı monopolıalardy retteý komıteti «QazTranGaz Aımaq» AQ-nyń eldiń barlyq gazdandyrylǵan óńirlerine jabdyqtaý ústemesin 15%-dan (Shyǵys Qazaqstan oblysy) 50,63%-ǵa (Atyraý oblysy) deıin tómendetti.
Esterińizge sala keteıik, Qazaqstanda tabıǵı gazben jabdyqtaý salasyndaǵy baǵalar men tarıfterdi memlekettik retteý Energetıka mınıstrligi men QR UEM TMRK arasynda bólingen.
Tabıǵı gazdyń túpkilikti baǵasyna 70-80% Energetıka mınıstrligi bekitetin kóterme baǵaǵa táýeldi, al tabıǵı gaz baǵasynyń qalǵan bóligi gazdy tasymaldaý qyzmetinen jáne ótkizý shyǵyndardan (jabdyqtaý ústemesi) turady.
Jabdyqtaý ústemesiniń deńgeıin tómendetý bóliginde atqarylǵan jumystyń nátıjesinde TMRK kóptegen óńirlerde tutynýshylar úshin taýarlyq gazdyń túpkilikti shekti baǵalaryn 0,34%-dan 38,96%-ǵa deıin tómendetýge qol jetkizdi.
Mysaly, eń tómen baǵa Atyraý oblysynda tirkeldi. Munda tómendeý 38,96%-dy qurady, al joǵary baǵa jaqynda ǵana tutynýshylar taýarlyq gazǵa qosylǵan Qaraǵandy oblysynda boldy. Mundaı gazdyń arzandaý kórsetkishi 0,34%.
Tómendetilgen baǵalar 2022 jylǵy 1 aqpannan bastap áreket etedi.
Aıta ketý kerek, tabıǵı gaz baǵasynyń tómendeýi jekelegen komýnaldyq qyzmetterge mýltıplıkatıvti áser etedi.