Onyń syryn dıetolog maman aıtyp berdi.
Gastroenterolog dáriger, dıetolog Nýrıa Dıanova kofege táýeldilik adam úshin nesimen qaýipti ekenin aıtty. Bul týraly ol Ura.ru. bergen suhbatynda málimdedi, dep habarlaıdy Almaty-akshamy.kz tilshisi.
Sonymen, mamannyń aıtýynsha, eger adam kúnine bul sýsynnyń 8-10 shynysyn ishse, onda onyń júıke júıesi qatty qozady. Odan bólek, kofeınniń artyq bolýyna baılanysty uıqy buzylady, jumys isteý qabileti tómendeıdi, qabyldaǵyshtyq qasıeti nasharlaıdy, júrek artyǵymen jumys isteı bastaıdy jáne qyjyl paıda bolýy múmkin.
«Onyń ústine, eger adam temeki tartatyn bolsa, onda óńeshti «óltirgenmen» birdeı. Sondyqtan kofeni tutynǵan kezde balans saqtaý kerek», - deıdi dıetolog.
Nýtrısıolog Irına Pısareva kofege degen táýeldilikten nebary úsh aptanyń ishinde arylýǵa bolatynyn atap ótti. Bul sýsynnyń sergitetin áserine baılanysty adam oǵan azdap úırenip qalady.
«Keıin bir kún kofe ishpese, adam qaltyraı bastaıtyny sondaı, onyń aǵzasy kofeındi barǵan saıyn kóp talap etetin bolady jáne odan bas tartý qıyndaı túsedi», - deıdi sarapshy.
Onyń aıtýynsha, kofege táýeldilik daǵdysynan, eger ony úsh apta boıy ishpese, arylýǵa bolatyn kórinedi.
Buǵan deıin dıetolog Natalá Krýglova kofeniń adam mıyn «tejeıtinin» aıtyp, eskertken bolatyn.