Óndirýshilerge 1 mlrd 327,3 mln teńge tólendi.
Agrarlyq nesıe korporasıasy dándi jáne maıly daqyldardy saqtandyrý baǵdarlamasyn júzege asyrýdy bastady, dep habarlaıdy Almaty-akshamy.kz Eldala.kz silteme jasap.
Saqtandyrý sharttaryn saıttaǵy Agroinsurance aqparattyq júıesinde www.qoldau.kz. saıtynda jasaýǵa bolady.
Agrarshylar bıdaı, arpa, suly, júgeri, kúnbaǵys, raps jáne zyǵyr egisterin saqtandyra alady. Saqtandyrý Aqmola, Aqtóbe, Shyǵys Qazaqstan, Batys Qazaqstan, Qaraǵandy, Qostanaı, Pavlodar, Soltústik Qazaqstan oblystary úshin qoljetimdi.
Dándi daqyldar boıynsha topyraqta ylǵal tapshylyǵynan saqtandyrý sharttaryn 16 sáýirge deıin, maıly daqyldar boıynsha 30 sáýirge deıin jasasýǵa bolady.
ANK derekteri boıynsha qurǵaqshylyqtan saqtandyrý boıynsha saqtandyrý kezeńi úsh fazaǵa bólingen. Eger egister 15 mamyrdan 14 tamyzǵa deıingi kezeńde (úsh fazaly ónim) saqtandyrylatyn bolsa, onda saqtandyrý polısiniń quny saqtandyrý somasynyń 4,8% quraıdy. Eger saqtandyrý kezeńi 15 maýsymnan 14 tamyzǵa deıin jalǵasatyn bolsa (eki fazaly ónim), tarıf saqtandyrý somasynyń 3,2%-na teń bolady.
Ónimder boıynsha saqtandyrý syılyqaqylaryn sýbsıdıalaý túrinde memlekettik qoldaý kózdelgen: aýyl sharýashylyǵy taýaryn óndirýshiler úshin saqtandyrý polısi 50%-ǵa arzandatylýda.
«Qurǵaqshylyqtyń bastalýy saqtandyrý kompanıasy topyraqtaǵy ylǵal týraly tarıhı málimetter negizinde esepteıtin ındekster negizinde anyqtalady. Kelesi maýsymǵa esepteý kezinde árbir aýdan boıynsha, onyń ishinde ótken jylǵy aýa raıy derekteri eskeriledi. Osylaısha, ındeks mánderi jyl saıyn ózgerip otyrady. Sondyqtan áleýetti saqtanýshylar saqtandyrý sharttaryn jasasý kezinde ındeksterdiń jańa mánderine nazar aýdarýy qajet», - dep naqtylady korporasıada.
«Agrarlyq nesıe korporasıasy» AQ Basqarma tóraǵasy Almat Áshirbekovtyń aıtýynsha, egistikti qurǵaqshylyqtan eki jyl saqtandyrý qorytyndysy boıynsha, aýyl sharýashylyǵy taýaryn óndirýshilerge 1 mlrd 327,3 mln teńge tólendi.
«Bul rette agrarshylar engizgen saqtandyrý syılyqaqysynyń somasy 241,5 mln teńgeni qurady, taǵy 241,5 mln teńge memlekettik sýbsıdıalar retinde engizildi», - dep tolyqtyrdy ANK basshysy.
Esterińizge sala keteıik, Qazaqstanda egistikti saqtandyrýdy sýbsıdıalaý mólsherin 50-den 80%-ǵa deıin arttyrý qarastyrylýda.