67 jastaǵy akterge afazıa dıagnozy qoıyldy.
Amerıkalyq akter Brús Ýıllıs sóıleý qabiletiniń buzylýyna ákeletin afazıa aýrýyna shaldyǵýyna baılanysty mansabyn aıaqtaıdy, dep habarlaıdy Almaty-akshamy.kz QazAqparatqa silteme jasap.
«Bizdiń súıikti Brús densaýlyǵyna qatysty máselelerge tap boldy jáne jaqynda onyń kognıtıvti qabiletterine áser etetin afazıa dıagnozy qoıyldy. Bárin oılastyrǵan Brús ózi úshin mańyzdy bolǵan karerasynan bas tartty», - dep jazdy akterdiń qyzy Rýmer Ýıllıs Instagram jelisinde.
Jurtshylyqqa arnalǵan úndeýge Brústiń áıeli Ýıllıs Emmı, sondaı-aq onyń burynǵy zaıyby Demı Mýr jáne onyń balalary qol qoıǵan.
Afazıa - mıdyń zaqymdanýynan týyndaýy múmkin sóıleýdiń buzylýy. Afazıa nátıjesinde sóıleý, túsiný, oqý, jazý qabileti joıylýy múmkin.
Brús Ýıllıs 1955 jyly 19 naýryzda Idar-Obershteın qalasynda (Germanıa) dúnıege kelgen. Ákesi amerıkalyq, al sheshesi nemis.
Ol «Myqty jańǵaq», «Qylmystyq oqýlyq» «Armageddon» jáne «Besinshi element» fılmderindegi rólderimen tanymal boldy.
1987 jyldan 2000 jylǵa deıin aktrısa Demı Mýrmen birge turdy. 2009 jyly ol aǵylshyn aktrısasy Emma Hemıngke úılendi.