Almatylyqtar jaıly jáne abattandyrylǵan audandarda tūratyn bolady. Almaty qalasy jaıly qalalyq orta basqarmasynyń basshysy Sapar Nūrashev Óńírlík kommunıkatsıyalar qyzmetíníń brıfıngínde jańa nysandar salu jáne jobalyq-smetalyq qūjattama ázírleu josparlary turaly aıtty, dep habarlaıdy almaty-akshamy.kz
Sapar Nūrashev vedomstvo tarapynan 102 joba ázírleníp jatqanyn, onyń 27-sí boıynsha saraptama qorytyndysynyń alynǵanyn habarlady.
"Jas Qanat" shaǵynaudanynda alty kóp páterlí tūrǵyn úı, "Nūrkent" jáne "Shūǵyla" shaǵynaudandarynda ınnovatsıyalyq shyǵarmashylyq ortalyqtaryn, sondaı-aq "Zerdelí" shaǵynaudanynda 380 oryndyq jataqhanasy bar 720 oryndyq kásíptík-tehnıkalyq mektep saludy josparlap otyrmyz. Būlardan ózge, №9, 15, 80, 122, 131, 141 mektepterín, «Bílím-ınnovatsıyasyn» seısmıkalyq kúsheıtu jáne kúrdelí jóndeu josparlanǵan. Sondaı-aq, "Aqjar" shaǵynaudanynda 320 oryndyq jáne "Aınabūlaq-4", "Sayaly-2" shaǵynaudandarynda árqaısysy 160 oryndyq úsh balabaqsha salynady», - dep habarlady spıker.
Jaıly qalalyq orta basqarmasynyń josparynda №70 bóbekjaı-balabaqsha men Stahanovskıı kóshesíndegí balabaqshany seısmıkalyq nyǵaıtu jáne kúrdelí jóndeu jūmystary tūr.
Sapar Nūrashev 30 kóp páterlí tūrǵyn úı men 18 densaulyq saqtau nysanynan tūratyn 48 jobany jobalaudyń ayaqtalyp qalǵanyn.
«Kelesí jylǵa bíz «Qalqaman-2» TK jobalyq-smetalyq qūjattamasyn ázírlep jatyrmyz. Jobaǵa sáıkes, osy qala qūrylysy torabynda bes qabatty 20 úı salu josparlanuda. 160 oryndy balabaqshanyń jobasy ázírlenude», - dedí Sapar Nūrashev.
Bolashaqta 2023-2024 jyldary densaulyq saqtau salasyn damytu boıynsha bírqatar írí jobalardy íske asyru josparlanuda. Būl jobalarǵa tórt emdeu mekemesí, úsh emhana, segíz otbasylyq-dárígerlík ambulatorıya kíredí. Búgínde barlyq jobalar jobalau kezeńínde. Olardyń arasynda "Medeu" audanyndaǵy onkologıyalyq ortalyǵy bar kópsalaly auruhana, JITS ortalyǵynyń bólímshesí bar hospıs, №2 qalalyq balalardyń klınıkalyq auruhanasynyń korpusy, Ahrımenko kóshesíndegí erte aralasu ortalyǵy, "Qaraǵaıly", "Jas Qanat" shaǵynaudandaryndaǵy emhanalar jáne basqalar bar.
